मुंबई विद्यापीठाच्या 11 हजारांहून अधिक विद्यार्थ्यांनी अद्याप आपला ABC किंवा APAAR ID विद्यापीठाच्या पोर्टलशी लिंक केलेला नाही. त्यामुळे आगामी परीक्षांना बसण्याच्या त्यांच्या पात्रतेवर प्रश्नचिन्ह निर्माण झालं आहे.

ABC/APAAR ID का महत्त्वाचा?

National Education Policy 2020 नुसार मुंबई विद्यापीठाने परीक्षेला बसणाऱ्या विद्यार्थ्यांसाठी वैध ABC/APAAR ID अनिवार्य केला आहे.

या IDच्या माध्यमातून विद्यार्थ्यांचे शैक्षणिक क्रेडिट्स डिजिटल पद्धतीने साठवणे, ट्रान्सफर करणे आणि पडताळणे शक्य होतं.

ID लिंक न केल्यास Hall Ticket नाही!

विद्यापीठाने स्पष्ट केलं आहे की, ज्या विद्यार्थ्यांनी—

• वैध ABC/APAAR ID तयार केलेला नाही, किंवा

• तयार केलेला ID विद्यापीठाच्या पोर्टलशी लिंक केलेला नाही,

अशा विद्यार्थ्यांना Hall Ticket जारी केलं जाणार नाही.

याचा थेट परिणाम त्यांच्या परीक्षेला बसण्यावर होऊ शकतो.

कॉलेजेसना विद्यार्थ्यांची यादी पाठवली

मुंबई विद्यापीठाने ABC/APAAR ID लिंक न केलेल्या विद्यार्थ्यांची यादी संबंधित कॉलेज आणि संस्थांना पाठवली आहे.

तसंच, प्रलंबित प्रक्रिया तातडीने पूर्ण करून घेण्याच्या सूचना कॉलेजांना देण्यात आल्या आहेत.

विद्यार्थ्यांनी शेवटच्या क्षणाची वाट पाहू नये

विद्यापीठाने विद्यार्थ्यांना शेवटच्या क्षणापर्यंत थांबू नका, असं आवाहन केलं आहे.

परीक्षेच्या वेळी Hall Ticket मिळण्यात अडचण येऊ नये यासाठी ABC/APAAR ID तयार करून तो विद्यापीठाच्या पोर्टलवर तातडीने लिंक करण्याचं आवाहन करण्यात आलं आहे.

11 हजारांहून अधिक विद्यार्थ्यांनी अजूनही ID लिंक केलेला नाही—वेळीच प्रक्रिया पूर्ण केली नाही, तर परीक्षेपासून मुकण्याची शक्यता!

हेही वाचा

मुंबईत ऑगस्टमध्ये पावसाची तूट