मुंबईतील माजी गिरणी कामगारांना घर मिळण्याच्या प्रक्रियेत सरकारने मोठा दिलासा दिला आहे. पनवेलमधील कोन येथे घरं मिळालेल्या 2,417 गिरणी कामगारांचे तीन वर्षांचे सर्व्हिस चार्ज माफ करण्याचा निर्णय सरकारने घेतला आहे.

एप्रिल 2024 ते मार्च 2027 या तीन वर्षांच्या कालावधीतील सर्व्हिस चार्ज माफ करण्यात येणार असून, त्याची एकूण रक्कम सुमारे 11 कोटी 95 लाख रुपये आहे.

घराची पूर्ण किंमत भरली, तरी अतिरिक्त शुल्काचा भार

कोन-पनवेल प्रकल्पातील अनेक गिरणी कामगारांनी आपल्या घराची पूर्ण किंमत यापूर्वीच भरली होती. मात्र, त्यानंतर त्यांच्यावर सर्व्हिस चार्ज भरण्याची अतिरिक्त जबाबदारी आली होती.

आता सरकारच्या या निर्णयामुळे या कामगारांवरील आर्थिक भार कमी होणार आहे.

मुंबईच्या गिरणी कामगारांसाठी घरकुल योजना

कोन-पनवेल गृहनिर्माण प्रकल्प हा मुंबईतील माजी गिरणी कामगार आणि त्यांच्या कुटुंबीयांना घर उपलब्ध करून देण्यासाठी राबवण्यात येणाऱ्या सरकारी योजनांचा एक भाग आहे.

गिरणी कामगारांच्या घरांशी संबंधित विविध प्रक्रिया म्हाडाकडून (MHADA) हाताळल्या जात आहेत.

अनेक गिरणी कामगार परवडणाऱ्या घराच्या प्रतीक्षेत अनेक वर्षे होते. त्यामुळे सर्व्हिस चार्जमाफीचा निर्णय त्यांच्या दृष्टीने महत्त्वाचा मानला जात आहे.

2,417 गिरणी कामगारांना दिलासा | ₹11.95 कोटींचा सर्व्हिस चार्ज माफ | एप्रिल 2024 ते मार्च 2027 कालावधीसाठी मोठा निर्णय

हेही वाचा

मुंबई विमानतळाच्या T1 वर हातोडा!