मुंबई महापालिकेच्या सीबीएसई आणि आयसीएसई बोर्डाच्या मुंबई पब्लिक स्कूलची प्रवेशप्रक्रिया २७ फेब्रुवारीपासून सुरू झाली आहे. प्रवेशप्रक्रिया १५ मार्चपर्यंत सुरू राहणार आहे. विद्यार्थ्यांना या शाळांमध्ये मोफत प्रवेश दिला जाणार आहे. प्रवेशासाठी अर्ज ऑफलाइन तसेच ऑनलाइन उपलब्ध होतील होणार आहेत. ऑनलाइन प्रवेशअर्ज  http://portal.mcgm.gov.in या वेबसाइटवर उपलब्ध होतील.

मुंबई महापालिकेतर्फे सीबीएसई आणि आयसीएसई बोर्डाच्या शाळा सुरू होणार आहेत. शिक्षण हक्क कायद्यातील तरतुदीनुसार ज्युनियर केजीसाठी ४ वर्षे पूर्ण असणाऱ्या तसेच इयत्ता पहिलीसाठी ६ वर्षे पूर्ण असणाऱ्या पाल्यांना प्रवेश दिला जाणार आहे. २५ जुलै २०१९ पर्यंत ही वयोमर्यादा पूर्ण करणारे विद्यार्थीच प्रवेशासाठी पात्र होणार आहेत. याशिवाय शाळेपासून ३ किलोमीटर अंतरावर राहणाऱ्या पाल्याला प्रवेशात प्राधान्य दिलं जाणार आहे. प्रत्येक वर्गासाठी येणाऱ्या प्रवेश अर्जाची संख्या ४० च्या पुढे गेल्यास लॉटरी पद्धतीने विद्यार्थ्यांना प्रवेश दिला जाणार आहे.