मुंबई विद्यापीठाच्या दूर व मुक्त अध्ययन संस्था (आयडॉल) मधील तृतीय वर्ष बी.कॉम (सेमिस्टर ६) या परीक्षेचा निकाल मंगळवारी १८ सप्टेंबरला जाहीर झाला. २०१७-१८ या शैक्षणिक वर्षात आयडॉलच्या बी. कॉम परीक्षेत बसलेल्या विद्यार्थ्यांचा निकाल ५८.३१ टक्के इतका लागला आहे.
मे २०१८ मध्ये बी-कॉमची परीक्षा घेण्यात आली होती. विद्यापीठ कायद्याप्रमाणे जास्तीत जास्त ४५ दिवसांच्या आत परीक्षांचं निकाल लावणं बंधनकारक असलं तरीदेखील बीकॉमचा हा निकाल जवळपास १०० दिवसानंतर जाहीर करण्यात आला आहे.
बी.कॉमच्या परीक्षेला ६ हजार ६०४ विद्यार्थ्यांनी नोंदणी केली असून त्यातील ५ हजार ९१५ विद्यार्थी परीक्षेला बसले होते. त्यातील २ हजार ३०४ विद्यार्थी उत्तीर्ण झाले असून १ हजार ६४७ विद्यार्थी अनुउत्तीर्ण झाले. या निकालात ३०३ विद्यार्थ्यांना फर्स्ट क्लास, १ हजार ०६५ विद्यार्थ्यांना सेकंड क्लास आणि ९३६ विद्यार्थ्यांना पास क्लास मिळाला आहे.