Advertisement

राज्यातील शाळा ४ ऑक्टोबरपासून सुरू होणार, 'ही' आहे नियमावली

कोरोनाची स्थिती सामान्य झाल्यानं राज्य सरकारनं हा निर्णय घेतला आहे.

राज्यातील शाळा ४ ऑक्टोबरपासून सुरू होणार, 'ही' आहे नियमावली
SHARES

राज्यातील शाळा ४ ऑक्टोबरपासून सुरू होणार आहे. कोरोनाची स्थिती सामान्य झाल्यानं राज्य सरकारनं हा निर्णय घेतला आहे. महाराष्ट्राचे मुख्यमंत्री उद्धव ठाकरे यांनी राज्यातील शाळा सुरू करण्याच्या शालेय शिक्षण विभागाच्या प्रस्तावाला मान्यता दिली आहे.

शाळा सुरू करण्यापूर्वी कमीत कमी १ महिना संबंधित शहरात / गावात कोविडचा प्रादुर्भाव कमी झालेला असावा.

शिक्षकांचं लसीकरण करणं आवश्यक आहे. याबाबत जिल्हाधिकाऱ्यांनी नियोजन करावं. याबाबत मुख्य कार्यकारी अधिकारी, जिल्हा परिषद/ आयुक्त, महानगरपालिका/मुख्याधिकारी, नगरपरिषद आणि शिक्षणाधिकारी यांनी जिल्हाधिकाऱ्यांकडे पाठपुरावा करावा.

'ही' आहे नियमावली

  • विद्यार्थ्यांच्या पालकांना गर्दी टाळण्यासाठी शाळेच्या परिसरात प्रवेश देऊ नये.
  • कोविड संबंधी सर्व नियमांचे काटेकोरपणे पालन करावं. उदा. जास्त विद्यार्थी असलेल्या शाळांमध्ये दोन सत्रांमध्ये, एका बाकावर एकच विद्यार्थी, दोन बाकांमध्ये ६ फूट अंतर, एका वर्गात जास्तीत जास्त १५-२० विद्यार्थी, सतत हात साबणाने धुणे, मास्कचा वापर, कोणतेही लक्षण असल्यास विद्यार्थ्यांना घरी पाठवणं आणि लगेच कोरोना चाचणी करून घेणं
  • विद्यार्थी कोविडग्रस्त झाल्याचं आढळल्यास तात्काळ शाळा बंद करुन शाळा निर्जंतुकीकरण करण्याची कार्यवाही मुख्याध्यापकांनी करुन घ्यावी.
  • शाळा सुरू करताना मुलांना टप्प्या-टप्प्यात शाळेत बोलवण्यात यावं.
  • संबंधित शाळेतील शिक्षकांनी राहण्याची व्यवस्था शक्यतो त्याच शहरात / गावात करावी, किंवा त्यांनी सार्वजनिक वाहतूक व्यवस्थेचा शक्यतो वापर न करण्याबाबत दक्षता घ्यावी.

मागील वर्षी कोरोनाच्या पहिल्या लाटेपासून राज्यातील सर्व शाळा बंद होत्या. पहिली लाट ओसरल्यानंतर काही इयत्ता, वर्ग सुरु झाले होते. पण दुसऱ्या लाटेनंतर पुन्हा वर्ग बंद झाले होते. दरम्यान, बहुतांश ठिकाणी लसीकरण झाले आहे. शिक्षक आणि शालेय कर्मचारी यांचे लसीकरण झालेले आहे. त्यामुळे शाळा सुरू करण्याच्या प्रस्तावाला मंजुरी देण्यात आली आहे.



हेही वाचा

MPSC च्या मुख्य परीक्षा 'या'दिवशी होणार

मुंबई महापालिकेत आता केंब्रिज बोर्डाच्याही शाळा : आदित्य ठाकरे

Read this story in English
संबंधित विषय
Advertisement
‘मुंबई लाइव्ह’च्या ताज्या बातम्यांसाठी सब्स्क्राईब करा