मागील काही दिवसांपासून दिग्दर्शक जे. पी. दत्ता आपल्या ‘पलटण’ या सिनेमामुळे चर्चेत आहेत. दत्तांचा सिनेमा म्हटला की बऱ्याच व्यक्तिरेखा आल्या. यातील प्रत्येक व्यक्तिरेखेचा लुक हळूहळू रिव्हील केला जात आहे. या सिनेमात सोनल चौहानही एका वेगळ्या लुकमध्ये दिसणार आहे.
‘पलटण’मधील सोनलचा लुक यापूर्वीच्या लुकपेक्षा खूप हटके आहे. वॅार ड्रामा असलेल्या या मल्टीस्टारर सिनेमात सोनलने राजपूत तरुणीची भूमिका साकारली आहे. त्यामुळे या सिनेमात सोनलचा काहीसा रॅायल लुक पाहायला मिळणार आहे.
या भूमिकेबाबत सोनल म्हणते की या व्यक्तिरेखेशी मी स्वत:ला रिलेट करते आहे. ‘पलटण’ हा सिनेमा सत्य घटनेवर आधारित असल्यानं यातील कॅरेक्टरही वास्तववादी वाटावं यासाठी मी प्रामाणिक प्रयत्न केला आहे. या सिनेमाच्या लुक टेस्टदरम्यान सिनेमाच्या टीमने राजस्थानमधील राण्यांचा संदर्भ डोळ्यांसमोर ठेवून आपल्याला तसा लूक देण्याचा प्रयत्न केल्याचंही सोनलचं म्हणणं आहे.
‘पलटण’मध्ये सोनलसोबत जॅकी श्रॅाफ, अर्जुन रामपाल, सोनू सूद, गुरमीत चौधरी, हर्षवर्धन राणे, सिद्धार्थ कपूर, लव्ह सिन्हा, इशा गुप्ता, दिपीका काकर, मोनिका गिल, अभिलाष चौधरी, अब्दुल आमिन आदी कलाकारांच्याही भूमिका आहेत. या सिनेमाची कथा दत्ता यांनीच लिहीली असून, १९६२ मधील शिनो-इंडीयन वॅारवर आधारित आहे.
हेही वाचा -
Share
Tweet
