काँग्रेसचे दिवंगत नेते आणि माजी मुख्यमंत्री विलासराव देशमुख यांचे नाव मुंबईतील ‘इस्टर्न फ्री वे’ला देण्याचा निर्णय राज्य सरकारनं जाहीर केला. उपमुख्यमंत्री अजित पवार यांनी नगरविकास विभागाला त्यासंदर्भातील सूचना दिली. विलासराव देशमुख यांचा मुलगा आणि अभिनेता रितेश देखमुखनं या निर्णयानंतर अजित पवारांचे आभार मानले आहेत.
मुंबईतल्या 'इस्टर्न फ्री वे' ला माजी मुख्यमंत्री स्व. विलासराव देशमुख यांचं नाव देण्यात येईल. त्यासंदर्भातील सूचना नगरविकास विभागाला दिल्या. तसेच परिवहन विभागासोबतच्या बैठकीत राज्यातली परिवहन सेवा सुधारण्याबाबत चर्चा केली. यावेळी वित्त, परिवहन आदी विभागांचे अधिकारी उपस्थित होते.
— Ajit Pawar (@AjitPawarSpeaks) January 14, 2020
रितेशनं ट्विटरवर आपल्या भावना व्यक्त केल्या. "आज तुम्ही विलासराव देशमुखांनी केलेल्या कामाला मान दिला. त्याबद्दल मुलगा म्हणून दादा मी सदैव आपला आभारी राहीन,” असं ट्विट रितेश देशमुखनं केलं आहे.
श्री विलासराव देशमुखजींनी केलेल्या कामाला आज तुम्ही मान दिला, त्या बद्दल - मुलगा म्हणून मी सदैव आपला आभारी राहीन श्री @AjitPawarSpeaks दादा. Eastern Free Way in Mumbai to be named after #VilasraoDeshmukh - https://t.co/H4HxXiuhL1
— Riteish Deshmukh (@Riteishd) January 14, 2020
मंगळवारी राज्याच्या आर्थिक स्थितीचा आढावा आणि महसुलवाढीसंदर्भात परिवहन विभागाची अजित पवार यांनी बैठक घेतली होती. राज्याच्या परिवहन विभागाला यावेळी सुधारणासंदर्भात सूचना दिल्याचं ट्विट अजित पवार यांनी केलं. अजित पवार यांनी याच ट्विटरमध्ये ‘मुंबईतील इस्टर्न फ्री वेला माजी मुख्यमंत्री विलासराव देशमुख यांचं नाव देण्यात येईल, अशी घोषणा केली होती.
हेही वाचा