मंगळवारी सकाळी मुंबईतील हवेचा निर्देशांक मध्यम श्रेणीत नोंदवला गेला. वांद्रे-कुर्ला संकुलात खराब दर्जाची हवा आढळून आली. सोमवारी मुंबईतील हवेची गुणवत्ता मध्यम होती.
अॅपनुसार, मंगळवारी सकाळी मुंबईचा हवाई निर्देशांक 137 वर पोहोचला. दरम्यान, मुंबईतील धुक्यामुळे वातावरणातील प्रदूषकांचे प्रमाण वाढण्याची शक्यता आहे.
हवामान खात्याच्या म्हणण्यानुसार मुंबईत मंगळवार, गुरुवार आणि शुक्रवारी धुके जाणवेल आणि त्यामुळे हवेच्या गुणवत्तेवर परिणाम होण्याची शक्यता आहे.
मुंबईत सध्या धुके, तसेच आर्द्रता आणि प्रदूषक सकाळच्या वेळी साचतात. महाराष्ट्र प्रदूषण नियंत्रण मंडळाच्या नोंदीनुसार, मंगळवारी सकाळी वांद्रे-कुर्ला संकुलातील हवेचा निर्देशांक 211 होता.
तसेच माझगावमध्ये 137, सायनमध्ये 120, वरळीमध्ये 115, बोरिवलीमध्ये 119 होते. दरम्यान, सोमवारी सायंकाळी हवेत मध्यम स्वरूपाची नोंद झाली.
केंद्रीय प्रदूषण नियंत्रण मंडळाच्या निकषांनुसार, 0-50 हवा गुणवत्ता निर्देशांक चांगला, 51-100 समाधानकारक, 101-200 मध्यम, 201-300 खराब, 301-400 अत्यंत वाईट आणि 400 पेक्षा जास्त धोकादायक मानला जातो.
हेही वाचा
वायू प्रदूषणाविरुद्ध लढण्यासाठी पालिका 24 अँटी स्मॉग गन भाड्याने घेणार
Share
Tweet
