गेल्या काही दिवसांपासून मुंबईच्या तापमानात कमालीची वाढ होत आहे. सोमवारी कमाल तापमान 37.3 अंश सेल्सिअस नोंदवले गेले, जे 2019 नंतरचे फेब्रुवारीतील दुसऱ्या क्रमांकाचे सर्वोच्च तापमान आहे. तापमानातील वाढ केवळ मुंबईपुरती मर्यादित नाही. मध्य आणि उत्तर भारतातही उच्च तापमान दिसून येत आहे.

विदर्भ आणि मराठवाड्याचा समावेश असलेल्या राज्याच्या पूर्वेकडील भागात पारा सर्वाधिक वाढलेला आहे. गहू पिकावर अतिउष्णता आणि कमी होत जाणारा पाऊस यांचा विपरीत परिणाम झाल्यास राज्याच्या अर्थव्यवस्थेला फटका बसू शकतो.

फेब्रुवारीच्या दुसर्‍या पंधरवड्यात नियमितपणे तापमान 38 आणि 39 अंश सेल्सिअसपर्यंत नोंदवले गेले, त्यामुळे गेल्या दहा वर्षांतील फेब्रुवारी हा सर्वात उष्ण ठरला.

स्कायमेट वेदरचे उपाध्यक्ष महेश पलावत यांच्या म्हणण्यानुसार, समुद्राचे वारे, जे सहसा दुपारपर्यंत येतात, दुपारच्या 2 वाजेपर्यंत उशीर होत असल्याची माहिती आहे. येत्या काही दिवसांत समुद्राच्या वाऱ्याला उशीर झाल्यास दिवसाचे तापमान ३८-३९ अंशांपर्यंत पोहोचू शकते, असा इशाराही त्यांनी दिला.

कुलाबा आणि सांताक्रूझ येथे मंगळवारी सकाळी किमान तापमान 21.2 आणि 19 अंश सेल्सिअस होते. सोमवारी कमाल तापमान 37.1 आणि 37.3 अंश सेल्सिअस होते.

हेही वाचा

प्रदूषणामध्ये मुंबई जगात दुसऱ्या क्रमांकावर, दिल्लीलाही टाकले मागे