शुक्रवारी गिरगावमध्ये ठिकठिकाणी मुले रस्त्यावर बसून चित्र काढत होती. कोणी जुन्या इमारतीवर, तर कोणी रस्त्यावर आणि काहीजण गटाराच्या टाकीवर, तर कोणी फूटपाथच्या किनारी बसून चित्र रंगवताना दिसत होते. त्यामुळे ये-जा करणाऱ्या सर्वांचे लक्ष या मुलांकडेच होते.
ही राज्यस्तरीय लँडस्केप स्पर्धा दरवर्षी २ ऑक्टोबरला गांधी जयंतीच्या निमित्ताने घेतली जाते. कला विद्या संकुल पॉलिटेक्निकतर्फे आयोजित या स्पर्धेत भाग घेण्यासाठी कोणतीही वयोमर्यादा नसते. या स्पर्धेत भाग घेणाऱ्या प्रत्येकाला प्रमाणपत्र दिले जाते. प्रथम येणाऱ्या विजेत्यास 5 हजार, द्वितिय क्रमांक मिळवणाऱ्यास 4000 आणि तृतीय क्रमांक मिळवणाऱ्या स्पर्धकाला 3 हजार रुपयांचे पारितोषिक दिले जाते.
आपली कला सर्वांपर्यंत पोहचवण्यासाठी हा एक उत्तम मंच आहे. ही स्पर्धा सोमवारी सकाळी ९ ते दुपारी १२ वाजेपर्यंत होती. या स्पर्धेत एकूण २४७ स्पर्धकांनी भाग घेतला होता. सोमवारी संध्याकाळी ६ वाजता या राज्यस्तरीय लँडस्केप स्पर्धेचा पुरस्कार वितरण समारंभ पार पडेल.
तुषार शेट्टी, स्पर्धक
हेही वाचा -
मुलांसाठी उन्हाळी चित्रकला प्रशिक्षण शिबीर
Share
Tweet
