नवी मुंबईत बुधवारी कोरोनाचे नवीन २५३ रुग्ण

नवी मुंबईत बुधवारी (२१ ऑक्टोबर) कोरोनाचे नवीन २५३ रुग्ण सापडले आहेत. तर ५ रुग्णांचा मृत्यू झाला आहे. येथील एकूण रुग्णांची संख्या आता ४२,८७९ झाली आहे.

बुधवारी बेलापूर ६१, नेरुळ ५४, वाशी २८, तुर्भे १७, कोपरखैरणे ३४, घणसोली ३२, ऐरोली २५, दिघामध्ये २ नवे रुग्ण आढळले आहेत. दिवसभरात २७० जणांनी कोरोनावर मात केली आहे.  बेलापूर ३७, नेरुळ ४७, वाशी ३९, तुर्भे ३४, कोपरखैरणे ४५,  घणसोली ३१, ऐरोली ३६, दिघामधील १ रुग्ण बरे झाले आहेत.  

बरे झालेल्या रुग्णांची एकूण संख्या ३९,३७४ झाली आहे. तर मृतांचा आकडा ८६६ झाला आहे. नवी मुंबईत सध्या २६६९ रुग्णांवर उपचार सुरु आहेत. तर कोरोनामुक्तीचा दर ९१ टक्के झाला आहे. 

शहरात खासगी रुग्णालयातील करोना रुग्णांच्या देयकांच्या तक्रारी मोठय़ा प्रमाणावर वाढल्या आहेत. यासाठी पालिकेने पालिका मुख्यालयातील तळमजल्यावर विशेष तक्रार निवारण कक्ष स्थापन केला आहे. संपर्कासाठी ०२२२/ ७५६७३८९  किंवा ७२०८४९००१० या व्हॉटसअॅप क्रमांकावर संपर्क करण्याचे आवाहन केले आहे.

हेही वाचा -

कोरोनाच्या नियमांचं पालन करण्याचे पालिका प्रशासनाचं आवाहन

बनावट ओळखपत्राद्वारे रेल्वे प्रवास; सर्वाधिक ओळखपत्र महापालिकेच्या नावानं