नवी मुंबईत शुक्रवारी कोरोनाचे नवीन ४८ रुग्ण

नवी मुंबईत शुक्रवारी (२९ जानेवारी) कोरोनाचे नवीन ४८ रुग्ण सापडले आहेत. तर २ रुग्णाचा मृत्यू झाला. येथील एकूण रुग्णांची संख्या आता ५२ हजार ९०६ झाली आहे.

नवी मुंबईमध्ये आढळलेल्या रुग्णांमध्ये बेलापूर ७, नेरुळ १०, वाशी ५, तुर्भे ६, कोपरखैरणे ५,  घणसोली ९, ऐरोली ५, दिघा येथील १ रुग्णांचा समावेश आहे. तर ६८ जणांनी कोरोनावर मात केली आहे. 

बेलापूर २०, नेरुळ ८, वाशी ०, तुर्भे ४, कोपरखैरणे ६,  घणसोली ३, ऐरोली २६, दिघा येथील १ रुग्ण बरे होऊन घरी गेले. बरे झालेल्या रुग्णांची एकूण संख्या ५०,०३०ली आहे. तर मृतांचा आकडा १०८५ झाला आहे. नवी मुंबईत सध्या ७९१ रुग्णांवर उपचार सुरु आहेत. तर कोरोनामुक्तीचा दर ९६ टक्के झाला आहे. 

नवी मुंबईतील १२ कोरोना काळजी केंद्रे बंद केल्यानंतर आता नागरी आरोग्य केंद्रांतीलही रुग्णसंख्या घटली आहे. यात झोपडपट्टी भागात अत्यल्प करोना रुग्ण शिल्लक आहेत. इंदिरानगर केंद्रात एकही रुग्ण नाही तर चिंचपाडा, इलठणपाडा, कातकरीपाडा व तुर्भे या केंद्रात दहापेक्षा कमी रुग्ण आहेत. 

दिवाळीपूर्वी खाटा मिळण्यासाठी रुग्णांच्या नातेवाईकांना धावपळ करावी लागत होती. आता ८५ टक्के खाटा रिकाम्या आहेत. फक्त वाशीतील सिडको प्रदर्शनी केंद्रात उपचार एकवटले आहेत. अत्यवस्थ रुग्णांवर नेरुळच्या डॉ. डी. वाय. पाटील रुग्णालयात उपचार सुरू आहेत.

हेही वाचा -

मुंबई-अहमदाबाद तेजस एक्स्प्रेस १४ फेब्रुवारीपासून प्रवाशांच्या सेवेत

महाराष्ट्र - कोरोना लसीकरण मोहिमेत सहभागी होणाऱ्यांच्या संख्येत वाढ