कल्याण-डोंबिवलीत गुरूवारी ५६० नवे रुग्ण

गुरूवारी आढळलेल्या नवीन ५६० रूग्णांमुळे पालिका क्षेत्रातील रुग्णांची एकूण संख्या ७४८५ झाली आहे. तर आतापर्यत १२७ रुग्णांचा मृत्यू झाला आहे. सध्या ४२६८ रुग्ण उपचार घेत असून ३०९० रूग्ण बरे होऊन घरी परतले आहेत.  कल्याण डोंबिवलीत मोठ्या प्रमाणात समूह संसर्ग होत असल्याने येथील कोरोनाची स्थिती हाताबाहेर गेली आहे. महानगर पालिकेची आरोग्य व्यवस्था अपुरी पडत असुन अशीच रूग्णांची संख्या रोज वाढत राहिल्यास नागरिक रस्त्यावरच तडफडून आपले प्राण सोडतील अशी भीती नागरिक व्यक्त करीत आहेत.

मुंबईत गुरूवारी १५५४ नवे रुग्ण आढळल्याने एकूण रुग्णांचा आकडा ८० हजार २६२ वर गेला आहे. तर गुरूवारी ५७ मृतांची नोंद करण्यात आली आहे. मृतांचा आकडा ४ हजार ६८६ वर पोहोचला आहे.  ५९०३ रुग्णांना घरी सोडण्यात आले असून एकूण ५० हजार ६९४ बाधितांनी कोरोनावर मात केली आहे.