देशात कोरोनाचे सर्वाधिक बळी हे ६० वर्षावरील वयोगटातील नागरिकांचे गेले आहेत. काही दिवसांपूर्वी एका १०० वर्ष वयाचे आजोबा कोरोनातून बरे होऊन रुग्णालयातून घरी परतले. त्यापाठोपाठ आता मुंबईतील बोरिवलीमध्ये राहणाऱ्या एका ९८ वर्षीय आजोबांनी कोरोनावर मात केली आहे. हे आजोबा कोरोनातून पूर्णपणे बरे होऊन आपल्या घरी परतले आहेत.
बोरिवलीत राहणारे ९८ वर्षीय भंडारी यांना सर्दी आणि खोकला होता. त्यामुळे त्यांना २० जुलैला येथील अपेक्स रुग्णालयात भरती केलं होतं. त्यानंतर त्यांचा कोरोना रिपोर्ट पॉझिटीव्ह आला होता. रुग्णालयात त्यांच्यावर उपचार करण्यात आले. अपेक्स हॉस्पिटलमध्ये १९ दिवस राहून भंडारी आजोबांनी कोरोनावर मात केली. इच्छाशक्तीच्या जोरावर आजोबा कोरोनातून बरे होऊन आता घरी परतले आहेत. कोरोना संक्रमणाआधी भंडारी आजोबा एकदम तंदुरुस्त होते. रोज घरातल्या घरात वॉक, संतुलित आहार व वाचन असा त्यांचा नित्यक्रम होता.
हेही वाचा -