इंडियन मेडिकल असोसिएशनचे डॉक्टर संपावर

ब्रिज कोर्स : या सहा महिन्यांच्या अभ्यासक्रमामध्ये विद्यार्थ्यांमाना अलोपॅथीक वैद्यकीय शिक्षण दिलं जाणार आहे. ज्या अभ्यासक्रमाला एकूण ३ वर्ष लागतात, तो अभ्यासक्रम तब्बल सहा महिन्यातच पूर्ण होणार. यावरून या अभ्यासक्रमाद्वारे तयार होणाऱ्या डॉक्टरांच्या मेडिकल प्रॅक्टिसबद्दल शंका उपस्थित करण्यात आली आहे.

एक्झिट परीक्षेचं डोंगर : बारावीनंतर मेडिकलसाठी प्रवेश करू इच्छिणाऱ्या विद्यार्थ्यांना आधीच सीइटीची प्रवेश परीक्षा द्यावी लागते. आता हे विधेयक मंजूर झाल्यास मेडिकलच्या शेवटच्या वर्षाला असलेल्या विद्यार्थ्यांना एक्झिट परीक्षा देणे बंधनकारक असेल. परिणामी तणावाखाली येऊन विद्यार्थ्यांच्या आत्महत्येत वाढ होण्याची शक्यता उपस्थित होत आहे. 

वैद्यकीय फी मध्ये वाढ : खासगी वैद्यकीय महाविद्यालयात आतापर्यंत १५ टक्क्यांपर्यंत फी आकारली जात होती. परंतु ही तरतूद लागू झाल्यास खासगी रुग्णालयात आकारली जाणारी फी ही तब्ब्ल ५० टक्क्यांनी वाढेल. यामध्ये कोणत्याही प्रकारची स्कॉलरशिप लागू होणार नाही. परिणामी गरीब विद्यार्थ्यांचं डॉक्टर होण्याच्या स्वप्न नष्ट होऊ शकतं. त्यामुळे डॉक्टरांनी नॅशनल मेडिकल कमिशन या विधेयकाला विरोध दर्शवण्यासाठी एक दिवसीय संप पुकारला आहे.