कोरोना व्हायरसचा ( coronavirus) फैलाव होऊ नये म्हणून राज्याचे आरोग्यमंत्री राजेश टोपे (state health minister rajesh tope) यांनी जनतेला मोलाची सूचना केली आहे. कोरोनाचा व्हायरस हा थंड वातावरणात जास्त काळ राहात असल्याने घरातील आणि आॅफिसमधील एसी बंद ठेवण्यात यावेत, असं आरोग्यमंत्र्यांचं म्हणणं आहे. त्यादृष्टीने खबरदारी घेण्यासाठी राज्य सरकारने परिपत्रकही काढल्याचं टोपे म्हणाले.
हेही वाचा - Coronavirus Updates: कोरोनाचे नवीन 11 रुग्ण आढळले, एकूण आकडा 63 वर
आरोग्यमंत्री राजेश टोपे यांनी शनिवारी सकाळी पत्रकार परिषद घेऊन प्रसारमाध्यमांना कोरोनाबाधीतांची माहिती दिली. यावेळी त्यांनी अत्यंत महत्त्वाची सूचना जनतेला केली. ते म्हणाले, कोरोनाचा व्हायरस (COVID-19) थंड वातावरणात जास्त काळ राहतो म्हणून जनतेने आपापल्या घरातील एअर कंडिशन बंद ठेवावेत. तसंच खासगी आणि शासकीय (home and office) एअर कंडिशन (air condationrr) बंद करण्याचं आवाहनही राज्य सरकारकडून करण्यात येत आहे. शासकीय कार्यालयात एसी वापरू नये, जमल्यास कमीत कमी वापरावा, यासंबंधी निर्देश देणारं परिपत्रक राज्य सरकारने काढलं आहे.
उष्ण वातावरणात हा विषाणू फार काळ टिकत नाही. तर थंड वातावरणात जास्त काळ टिकतो. त्यामुळे त्याचा फैला होऊ शकतो. तसं होऊ नये म्हणून सर्वांनी मिळून आवश्यक ती खबरदारी घेणं गरजेचं आहे. तसं केल्यास कोरोनाचा विषाणू जास्त काळ टिकणार नाही, अशी अपेक्षाही राजेश टोपे यांनी व्यक्त केली.
हेही वाचा - Coronavirus: परतणाऱ्या २५ हजार प्रवाशांसाठी उपाययोजना करा, मुख्यमंत्र्यांची पंतप्रधानांना विनंती
Share
Tweet
