दक्षिण मुंबईतील तारदेव आणि मुंबई सेंट्रल रेल्वे स्थानकाला जोडणारा बेलासिस उड्डाणपूल लवकरच सर्वसामान्यांसाठी खुला होणार आहे. सकाळी 11 वाजता मुख्यमंत्री देवेंद्र फडणवीस आणि उपमुख्यमंत्री एकनाथ शिंदे आणि सुनेत्रा पवार यांच्या हस्ते ऑनलाईन पद्धतीने उद्घाटन झाले.

कार्यक्रमानंतर स्टेज आणि बॅरिकेड्स हटवल्यानंतर पूल सर्वसामान्यांसाठी खुला करण्यात येईल, अशी माहिती महापालिका अधिकाऱ्यांनी दिली.

बेलासिस उड्डाणपूलाने विक्रमी कामगिरी करत नियोजित मुदतीच्या 15 महिने आधीच पूर्णत्वास आला आहे. काम गेल्या महिन्यात पूर्ण झाले होते. मात्र मुख्यमंत्र्यांच्या व्यस्त वेळापत्रकामुळे आणि पुलाचे नामांतर करण्याबाबत सुरू असलेल्या चर्चेमुळे उद्घाटन लांबले.

सध्या हा पूल तारदेव–नागपाडा आणि मुंबई सेंट्रलला जोडणारा रेल्वे उड्डाणपूल म्हणून ओळखला जात असून ‘बेलासिस’ या नावाचा अधिकृत उल्लेख आता नाही.

हा पूल एकूण 333 मीटर लांबीचा असून पूर्वेकडे 138.39 मीटर आणि पश्चिमेकडे 157.39 मीटर आहे. रेल्वे मार्गावर 36.90 मीटरचा स्पॅन आहे. 7 मीटर रुंदीचा वाहनमार्ग तसेच दोन्ही बाजूंना सुरक्षित पादचारी हालचालीसाठी प्रशस्त पदपथ देण्यात आले आहेत.

1893 मधील जुन्या पुलाची जागा

1893 साली बांधण्यात आलेला जुना पूल संरचनात्मक तपासणीत अयोग्य ठरल्याने जून 2024 मध्ये पाडण्यात आला. त्याऐवजी Brihanmumbai Municipal Corporation ने आधुनिक केबल-स्टेड (cable-stayed) उड्डाणपूल उभारला आहे. त्यामुळे नागपाडा आणि तारदेव दरम्यानची कनेक्टिव्हिटी अधिक मजबूत होणार आहे.

हेही वाचा

मुंबई-पुणे एक्स्प्रेसवे ‘मिसिंग लिंक’ मे पर्यंत सुरू होणार