मुंबईसह उपनगरातील प्रवाशांना लवकरच मेट्रोनं प्रवास करता येणार आहे. मुंबई व परिसरात सुरू असलेल्या मेट्रो रेल्वेच्या १४ प्रकल्पांपैकी काही प्रकल्पांची कामाला प्रत्यक्षात सुरूवात झाली आहे. तसंच, काही मार्ग येत्या काळात सुरू होणार आहेत. सध्या बांधकाम सुरू असलेल्या मेट्रो मार्गांच्या कामाची गती पाहता सर्व मार्ग नियोजित वेळेत पूर्ण होणार असल्याचा दावा 'एमएमआरडीए'नं केला आहे.
सध्या दहिसर ते डी. एन. नगर मेट्रो-२अ, डी. एन. नगर ते मंडाळा मेट्रो-२ब, कुलाबा-वांद्रे-सीप्झ मेट्रो-३, वडाळा-घाटकोपर-ठाणे ते कासारवडवली मेट्रो-४ व दहिसर पूर्व ते अंधेरी पूर्व मेट्रो-७ या ५ प्रकल्पांची कामं सुरू आहेत. त्यापैकी डी. एन. नगर ते दहिसर व दहिसर पूर्व ते अंधेरी पूर्व या मेट्रो मार्गांची कामं वेगानं सुरू आहेत. हे २ प्रकल्प सर्वांत आधी म्हणजे याच वर्षात पूर्ण होणार आहेत.
या सर्व प्रकल्पांवर १ लाख ४ कोटी रुपये खर्च होणार आहेत. सर्व प्रकल्प सन २०२६ पर्यंत पूर्ण होणार असले तरी मार्ग पूर्ण क्षमतेनं कार्यान्वित होणं, अपेक्षित प्रवासीसंख्या गाठणं आदी बाबी लक्षात घेता, सर्व मार्ग सन २०३१ पर्यंत पूर्णपणे कार्यक्षम होणार आहेत.
हेही वाचा -
मिठी नदी खालील मेट्रो भूयारीकरणाच्या कामाला गती
धोकादायक कारखान्यांचं सेफ्टी ऑडिट; मुख्यमंत्र्यांचे निर्देश
Share
Tweet
