देशभरात अाजपासून प्रो-कबड्डी लीगच्या सहाव्या पर्वाला सुरुवात होणार आहे. रविवारी चेन्नईतील जवाहरलाल नेहरू बंदिस्त स्टेडियमवर पटना पायरेट्स आणि तमिळ थलाईवाज या दोन संघात सलामीचा सामना खेळवला जाणार आहे. त्यानंतर यू मुंबा विरुद्ध पुणेरी पलटण या महाराष्ट्राच्या संघांमध्ये लढत होणार आहे.
पटना पायरेट्स आणि तमिळ थलाईवाज यांचा रंगतदार सामना आज रात्री ८.०० वाजता होणार आहे. तसंच यू मुंबा आणि पुणेरी पलटन यांचा सामना रात्री ९.०० वाजता सुरू होणार आहे. प्रो कबड्डी लीगमध्ये एकूण १३८ सामने खेळवले जाणार असून ५ जानेवारी रोजी अंतिम सामना होणार आहे.
यंदा यू मुंबाने तब्बल १ कोटी रुपयांची बोली लावत फझल अत्रचलीला अापल्या संघात विकत घेतलं अाहे. त्याचप्रमाणं प्रो-कबड्डी लीगच्या इतिहासात कोट्यवधी रुपयांची बोली लागलेला फझल अत्रचली हा पहिला खेळाडू ठरला अाहे.
हेही वाचा-
पृथ्वीला मराठीतून 'विराट' मंत्र
अर्जुन तेंडुलकरची मुंबईच्या १९ वर्षांखालील क्रिकेट संघात निवड