काँग्रेस नेते राहुल गांधी यांनी अध्यक्षपदाचा राजीनामा दिल्यावर त्यांच्यापाठोपाठ प्रदेशाध्यक्षपदाचा राजीनामा देण्याची काँग्रेस नेत्यांमध्ये ओढ लागली आहे. त्यानुसार रविवारी मुंबई काँग्रेसचे अध्यक्ष मिलिंद देवरा यांनी अध्यक्षपद सोडल्याबरोबर मुंबई काँग्रेसमधील गटबाजीने पुन्हा डोकं वर काढलं आहे. मुंबई काँग्रेसचे माजी अध्यक्ष संजय निरूपम यांनी देवरा यांच्यावर ट्विटरवरून निशाणा साधल्यावर देवरा यांचे पाठिराखे काँग्रेस नेते भाई जगताप यांनीही त्यांच्यावर पटलवार केला आहे.
देवरा यांनी राजीनामा देतानाच येणारी विधानसभा निवडणूक लक्षात घेऊन काँग्रेसची धुरा काँग्रेसमधील ज्येष्ठ नेत्यांच्या ३ सदस्यीय समितीकडे सोपवण्याची सूचना पक्षश्रेष्ठींना पत्र लिहून केली आहे. मुंबईतील पराभवाची जबाबदारी स्वीकारून देवरा यांनी राजीनामा दिला असला, तरी त्यांनी राष्ट्रीय राजकारणात काम करण्याची इच्छाही व्यक्त केली आहे.
त्यावर भाष्य करताना संजय निरूपम यांनी देवरांवर ट्वंटद्वारे निशाणा साधला. यांत ते म्हणाले की, राजीनाम्यातून त्यागाची भावना अंतःप्रेरणेतून येते. इथे दुसऱ्या क्षणी राष्ट्रीय पदाची मागणी केली जाते. हा राजीनामा आहे की वरच्या पदावर जाण्याची शिडी? अशा 'कर्मठ' लोकांपासून पक्षानं सावध राहायला हवं.
इस्तीफा में त्याग की भावना अंतर्निहित होती है।
— Sanjay Nirupam (@sanjaynirupam) July 7, 2019
यहां तो दूसरे क्षण ‘नेशनल’ लेवल का पद मांगा जा रहा है।
यह इस्तीफा है या ऊपर चढ़ने की सीढ़ी ?
पार्टी को ऐसे ‘कर्मठ’ लोगों से सावधान रहना चाहिए।
या टीकेला जोरदार प्रत्युत्तर देताना भाई जगताप म्हणाले, काही नेते काँग्रेसी असल्याचा दावा करतात. पण तेच जातीयवाद आणि भाषावादाचं राजकारण करतात. ते अन्य नेत्यांचा अपमान करतात आणि त्यांच्याच मतदारसंघातून निवडणूक लढवतात. इतकं सगळं करूनही तब्बल अडीच लाखांहून अधिक मतांनी पराभूत होतात. अशा 'कर्मठ' नेत्यांपासून सावध राहायला हवं.
कुछ नेता कांग्रेसी होने का दावा करते हैं लेकिन वे जातिवाद और भाषावाद की राजनीति करते हैं।
— Bhai Jagtap (@BhaiJagtap1) July 7, 2019
वे अन्य नेताओं का अपमान करते हैं और फिर उनके क्षेत्र से चुनाव भी लड़ते हैं। लेकिन इस सब के बावजूद वह 2.7 लाख वोटों से हार जाते हैं।
ऐसे 'कर्मठ' नेताओं से सावधान रहने की जरूरत है। https://t.co/lAWLyIr3lP
पक्षांतर्गत वादामुळे काँग्रेसपुढील आव्हान वाढल्याचं दिसून येत आहे.
हेही वाचा-
मिलिंद देवरा यांनी दिला मुंबई काँग्रेसच्या अध्यक्षपदाचा राजीनामा
वंचित पुढे काँग्रेसच वंचित? ४० जागांचा प्रस्ताव देऊन केली थट्टा