शिवसेना उद्धव बाळासाहेब ठाकरे (शिवसेना यूबीटी) पक्षाचे नेते आदित्य ठाकरे यांच्या वक्तव्यामुळे वरळी विधानसभा मतदारसंघातील राजकीय वातावरण तापले आहे. वरळी येथील जांबोरी मैदानावर सुरू असलेल्या बांधकामावरून मंगळवारी, 30 जुलै रोजी शिवसेना यूबीटी आणि महाराष्ट्र नवनिर्माण सेना यांच्यात वाद झाला. या वादानंतर काही तासांनी लावलेल्या बॅनरविरोधात मनसेने पोलीस ठाणे गाठले.
मनसेने आक्षेप घेतला
मनसेचे शाखा अध्यक्ष मंगेश कसालकर यांनी वरळी पोलिस ठाण्यात तक्रार दिली. वरळीच्या जांबोरी मैदानात आमदार निधीतून केलेले बांधकाम बेकायदा असल्याचा आक्षेप घेण्यात आला आहे. आदित्य ठाकरे यांच्या सूचनेवरून हे बांधकाम करण्यात आल्याचा आरोप त्यांनी केला आहे. या मुद्द्यावरून मंगळवारी मनसे आणि शिवसेना यूबीटी पक्षाचे कार्यकर्ते एकमेकांना भिडले. मंगळवारी दोन्ही पक्षांमध्ये झालेल्या वादावादीमुळे वातावरण तापले.
मनसे नेत्याविरोधात आक्षेपार्ह बँनर
वादानंतर काही तासांनी वरळीत बॅनर लावण्यात आले. या बॅनरवर महाराष्ट्र नवनिर्माण सेनेच्या नेत्यांचा सुपारीबाज असा उल्लेख केला आहे. ज्येष्ठ नागरिकांच्या सुशोभिकरणाच्या कामात मनसेच्या सुपारी गोळा करणाऱ्यांनी अडथळा आणल्याचा उल्लेख बॅनरमध्ये करण्यात आला आहे. हा बॅनर प्रभात मित्र परिवाराने लावला होता.
तक्रारीनंतर पोलिसांनी बॅनर हटवले
बॅनरविरोधात मनसेने वरळी पोलीस ठाणे गाठले. आक्षेपार्ह बॅनर प्रकरणी प्रभात मित्र परिवारातील सदस्यांवर कारवाई करण्याची मागणी त्यांनी केली. मनसेच्या आक्षेपानंतर मंगळवारी रात्री हे बॅनर हटवण्यात आले.
हेही वाचा
Share
Tweet
