भाजप घाबरली म्हणून संजय राऊत यांना अटक करण्यास लावलं : सुनील राऊत

शिवसेना खासदार संजय राऊत यांना रविवारी 11 वाजून 38 मिनिटाला अटक करण्यात आली. संजय राऊत यांचे बंधू आमदार सुनील राऊत यांनी यावर प्रतिक्रिया दिली आहे.

याबाबत माहिती देताना सुनील राऊत म्हणाले आहेत की, ''संजय राऊत यांना खोट्या प्रकरणात अडकवलं जात असून त्यांना अटक करण्यात आली आहे. उद्या सकाळी साडे नऊ वाजता त्यांना जे जे रुग्णालयार मेडिकलसाठी घेऊन जाणार आहेत. आज जी केस करण्यात आली आहे, यामधे पत्रा चाळीचा उल्लेख नाही. त्यामध्ये मागच्या ज्या काही 50 लाख रुपयांच्या ट्रांजेक्शन झाले होते, त्याचा उल्लेख आहे.''

ते पुढे म्हणाले, ''संजय राऊत यांची तब्येत व्यवस्थित आहे. आम्ही न्यायालयीन लढा लढणार आहोत. सत्याचा विजय होईल, असा आम्हाला विश्वास आहे.''

तसंच भाजपा घाबरली म्हणून संजय राऊत यांना अटक करण्यास लावल्याचा आरोपही सुनील राऊत यांनी केला आहे. 

Mumbai | Sanjay Raut has been arrested. BJP is afraid of him and got him arrested. They haven't given us any document (regarding his arrest). He has been framed. He will be produced in court tomorrow at 11.30am: Sunil Raut, Sanjay Raut's brother pic.twitter.com/1XXJoE3KCQ

— ANI (@ANI) July 31, 2022

दरम्यान, संजय राऊत यांना सोमवारी ११.३० वाजता न्यायालयात हजर केले जाणार आहे. 

सायंकाळी 5.30 पासून त्यांची ईडी कार्यलयात चौकशी सुरू होती. यानंतर आता त्यांना पत्राचाळ घोटाळ्याप्रकरणी अटक करण्यात आल्याचे बोलले जात आहे.