ठाकरे सरकारचा पहिला अर्थसंकल्प नुकताच सादर करण्यात आला. अर्थमंत्री अजित पवार यांनी हा अर्थसंकल्प सादर केला. हा अर्थसंकल्प मांडताना अजित पवार यांनी पेट्रोल-डिझेलवर प्रति लिटर १ रुपयांचा कर लावण्याची घोषणा केली.
पेट्रोल-डिजेलवर प्रति लिटर १ रुपयांचा कर लावण्यात येणार असल्यानं भविष्यात पेट्रोलच्या किंमतीत वाढ होण्याची शक्यता आहे. मुंबईत सद्यस्थितीत पेट्रोलची किंमत ७६.८३ रुपये आहे, तर डिझेलची किंमत ६६.८२ रुपये आहे. यामध्ये वाढ झाल्यास सर्वसामान्यांच्या खिशाला कात्री लागण्याची शक्यता आहे.
या करवाढीवर प्रसारमाध्यमांशी बोलताना अजित पवार म्हणाले, इंधनावरील मूल्यवर्धित कर वाढवल्याने शासनाला सुमारे १८०० कोटी इतका अतिरिक्त महसूल मिळणं अपेक्षित आहे. हा निधी वातावरण बदलासंदर्भातील वेगवेगळ्या योजना राबवण्यासाठी वापरला जाणार आहे. बाजूच्या राज्यात बघितलं तर कालच कर्नाटक सरकारने पेट्रोल आणि डिझेलचे दर आपल्यापेक्षा जास्त वाढवले आहेत. तिथं भाजपचंच सरकार आहे. मात्र त्यांनी केलं म्हणजे आपणही केलं पाहिजे असा माझा दृष्टीकोन नाही. पण ग्लोबल वॉर्मिंगचं संकट, अवकाळी पाऊस, गारपीट अशा सतत काही ना काही नैसर्गिक आपत्तीच्या घटना घडत असताना त्यातील पीडितांना न्याय देण्यासाठी या रकमेची आवश्यकता आहे. आधीच्या पिढीने योग्य पावले उचलली असती तर आमच्यावर हे संकट आलं नसतं असा दोष पुढच्या पिढीनं आम्हाला देता कामा नये यासाठीच सरकारने काळजी घेतली आहे.
अर्थसंकल्पातील काही महत्वाचे मुद्दे :
हेही वाचा -
काही मिनिटात ४ लाख कोटींचा चुराडा, शेअर बाजार कोसळला
CID ची वेबसाईट दहशतवादी संघटनेकडून हॅक