'ब्ल्यू व्हेल' गेम खेळ थांबवण्यासाठी केंद्र सरकारच्या मदतीने कारवाई केली जाईल, असे आश्वासन मुख्यमंत्री देवेंद्र फडणवीस यांनी मंगळवारी विधानसभेत दिले.
'ब्ल्यू व्हेल' गेमच्या वेडापायी, अंधेरीतील मेघवाडी परिसरात राहणाऱ्या 14 वर्षाच्या मनप्रीत सिंगने इमारतीवरुन उडी मारुन आत्महत्या केल्याची घटना नुकतीच घडली. या घटनेची दखल घेत मुख्यमंत्री देवेंद्र फडणवीस यांनी हे आश्वासन दिले आहे.
राष्ट्रवादी काँग्रेसचे नेते अजित पवार यांनी मंगळवारी 'ब्ल्यू व्हेल' गेमचा मुद्दा विधानसभेत उपस्थित केला.
सरकारने पुढाकार घेऊन, वेळ पडली तर केंद्र सरकारशी संपर्क साधून तसेच आपले वजन वापरुन देशपातळीवरच 'ब्ल्यू व्हेल' गेम पूर्णपणे बंद करणे आवश्यक आहे. सरकारने हा विषय गांभीर्याने घेणे गरजेचे असल्याचे आहे.
हा विषय गंभीर आहे. त्याची चौकशी सुरु आहे. या संदर्भातील आवश्यक सगळी माहिती घेतली जाईल. हा इंटरनेट बेस गेम असल्याने, त्याचे सर्व्हर आपण होस्ट करत नाही, तो बाहेरुन आला आहे. त्यामुळे हा गेम कसा थांबवता येईल, याबाबत केंद्र सरकारशी बोलून त्यानुसार कारवाई केली जाईल.
देवेंद्र फडणवीस, मुख्यमंत्री
हे देखील वाचा -
मुलांच्या जीवाशीच खेळणारा 'ब्ल्यू व्हेल' गेम
डाऊनलोड करा Mumbai live APP आणि रहा अपडेट
मुंबईशी संबंधित प्रत्येक बातमी आणि अपडेट मिळवण्यासाठी Mumbai live च्या फेसबुक पेजला लाईक करा
(खाली दिलेल्या कमेंट बॉक्समध्ये तुमच्या प्रतिक्रिया अवश्य द्या)