वडाळा - आंतरशालेय हिंद करंडक स्पर्धेचा पारितोषिक वितरण सोहळा भारतीय क्रीडा मंदिरात शुक्रवारी झाला. हिंद करंडक स्पर्धेत 55 शाळांनी सहभाग घेतला होता. लंगडीमध्ये (मुले) प्रथम पारितोषिक डॉ. त्रि. रा. नरवणे विद्यालय (कांदिवली) तर मुलींच्या संघात महात्मा गांधी विद्यामंदिर (वांद्रे) यांनी प्रथम पारितोषिक पटकावले. तसेच खो-खो मध्ये मुले/मुली या दोन्ही संघातील रा.फ.नाईक विद्यालय (कोपरखैरण) यांनी प्रथम पारितोषिक पटकावले. त्याचबरोबर प्रो-कबड्डी (मुले) शारदाआश्रम विद्यामंदिर (दादर) आणि मुलींमध्ये महात्मा गांधी विद्यामंदिर (वांद्रे) यांनी प्रथम पारितोषिक पटकावले. या स्पर्धेतील महत्वाची चांदीची ट्रॉफी 'टोपीवाला हिंद करंडक' रा.फ.नाईक (नवी मुंबई) आणि 'राणी लक्ष्मीबाई हिंद करंडक' महात्मा गांधी विद्यामंदिर (वांद्रे) या शाळांना मिळाली.
Share
Tweet
