अव्वल मानांकित टायरन परेराला सेमीफायनलमध्ये पराभवाचा धक्का

मुलांच्या १७ वर्षांखालील गटात अव्वल मानांकित टायरन परेराला सीसीआय ग्रेटर मुंबई डिस्ट्रिक्ट बॅडमिंटन अजिंक्यपद स्पर्धेच्या सेमीफायनलमध्ये पराभवाचा धक्का सहन करावा लागला. क्रिकेट क्लब अाॅफ इंडिया (सीसीअाय) अाणि द ग्रेटर मुंबई बॅडमिंटन असोसिएशन यांच्या संयुक्त विद्यमाने सीसीअायवर सुरू असलेल्या या स्पर्धेत टायरनला हॅमस्ट्रिंगच्या दुखापतीला सामोरे जावे लागले होते. तरीही टायरनने कडवी झुंज दिली. अखेर दारियस पर्डिवाला याने त्याला २१-१७, १७-२१, २३-२१ असे पराभूत केले.

विक्रांत निनावेची अागेकूच

मुलांच्या १७ वर्षांखालील गटात दुसऱ्या मानांकित विक्रांत निनावेने अापली विजयी घोडदौड कायम राखत अंतिम फेरीत मजल मारली. विक्रांतने उपांत्य फेरीच्या सामन्यात अार्यवर्धन जाधवचे अाव्हान १८-२१, २१-१६, २१-१५ असे संपुष्टात अाणले. अाता अंतिम फेरीत त्याला दारियस पर्डिवाला याचा सामना करावा लागेल.

मुलींमध्ये पूजा, एेश्वर्याचे विजय

१७ वर्षांखालील मुलींच्या गटात, पूजा कचरे हिने उपांत्यपूर्व फेरीच्या सामन्यात टिअा मिश्रा हिला २१-१८, २१-१७ असे हरवले. एेश्वर्या हळदणकर हिने शची जुकर हिला २१-१५, २१-१३ असे पराभूत केले.

हेही वाचा -

टायरन परेरा याची विजयी घोडदौड सुरूच