ज्येष्ठ अभिनेते अनुपम श्याम यांना मुंबईतील गोरेगाव इथल्या एका रुग्णालयात दाखल करण्यात आलं आहे. त्यांची प्रकृती चिंताजनक असून त्यांच्यांवर सध्या आयसीयूमध्ये उपचार सुरू आहेत. याबाबतची माहिती पत्रकार आणि चित्रपट निर्माते एस. रामचंद्रन यांनी ट्विटरवरुन दिली आहे.

रामचंद्रन यांनी अनुपम यांच्या उपचारांसाठी आमिर खान आणि सोनू सूदकडे मदत मागितली आहे. सोमवारी रात्री अनुपम घरात पडल्याचं सांगण्यात येत आहे. त्यांना किडनीचा आजार देखील आहे. 'बँडिट क्वीन' (1994)), 'लज्जा' (2001), 'नायक' (2001) आणि 'शक्ती: द पॉवर' (2002) यासारख्या चित्रपटांमध्ये झळकले आहेत.

रामचंद्रन यांनी आपल्या ट्विटमध्ये लिहिले आहे, "अभिनेते अनुपम श्याम आयसीयूमध्ये दाखल आहेत. मी व्हॉट्सअ‍ॅप ग्रुपमध्ये मदत मागितली आहे." आमिर खान आणि सोनू सूद यांना पुढे टॅग केलं आहे. अनुपम यांच्यावर गोरेगाव इथल्या लाइफलाईन रुग्णालयात उपचार सुरू असल्याची माहितीही त्यांनी दिली आहे.

अभिनेता मनोज बाजपेयी अनुपम श्याम यांच्या मदतीसाठी पुढे आला आहे. ज्येष्ठ अभिनेते आजारी असून त्यांना मदतीची आवश्यकता असल्याचं समजताच मनोजनं ट्विट केलं की, "कृपया मला कॉल करा." अनुपम आणि मनोज यांनी 'बँडिट क्वीन', दस्तक 'आणि' संसोधन 'या चित्रपटात एकत्र काम केलं आहे.

'मन की आवाज प्रतिज्ञा' या टीव्ही मालिकेत अनुपम यांनी साकारलेले ठाकूर सज्जन सिंह हे पात्र खूप लोकप्रिय झाले होते. मुळचे उत्तर प्रदेशातील प्रतापगड इथले अनुपम लखनौच्या भारतेंदु अकादमीच्या नाट्य कला अकादमीचे माजी विद्यार्थी आहेत. १९८३-१९८५ दरम्यान त्यांनी अभिनयाचे धडे गिरवले होते.

अनुपम यांनी 'सरदारी बेगम' (१९९६), 'दुश्मन' (१९९८), 'कच्चे धागे' (१९९९), 'परजानियां' (२००५), 'गोलमाल' (२००६), 'स्लमडॉग मिलेनिअर' (२००८) आणि 'मुन्ना माइकल' (२०१७) या चित्रपटांमध्ये अभिनय केला आहे. टीव्हीवर ते अखेरचे 'कृष्णा चली लंडन' (२०१८-२०१९) मध्ये दिसले होते.

हेही वाचा

'त्या' आजीबाईंच्या मदतीला धावला सोनू सूद

अभिनेता वृषभ शहाची उल्लेखनीय कामगिरी