सध्या सर्वत्र गणेशोत्सवाची धूम सुरू आहे. अशात आपल्या लाडक्या बाप्पाला पाहण्यासाठी अनेक भाविक रात्रीच्या वेळीही मंडळांमध्ये गर्दी करत आहेत. त्यामुळे रात्रीच्या वेळी प्रवासादरम्यान या भाविकांची गैरसोय होऊ नये यासाठी ५ दिवस मध्यरात्री एक विशेष लोकल सोडण्याचा निर्णय मध्य रेल्वेने घेतला आहे.
गौरी-गणपतींच्या विसर्जनानंतर सार्वजनिक गणपती बाप्पाचं दर्शन घेण्यासाठी आणि बाप्पासाठी तयार करण्यात आलेल्या आकर्षित देखावे पाहण्यासाठी मुंबईसह अनेक भागांतून भाविक येत आहेत. त्यामुळे या भाविकांची प्रवासादरम्यान गैरसोय होऊ नये यासाठी मध्य रेल्वेने रात्रीच्या वेळी विशेष लोकल चालवण्याचा निर्णय घेतला आहे.
मध्य रेल्वेकडून मध्यरात्री १.३० वाजता सीएसटीएम स्थाकातून विशेष लोकल सोडण्यात येणार असून ही लोकल पहाटे ३.०० वाजता कल्याण स्थानकात पोहोचेल. ही लोकल सीएसएमटी ते कल्याण स्थानकादरम्यान सर्व स्थानकांवर थांबणार आहे.
Share
Tweet
