नवी मुंबई आंतरराष्ट्रीय विमानतळासाठी ८,५०० कोटी रुपयांची गुंतवणूक


SHARE

नवी मुंबई आंतरराष्ट्रीय विमानतळ जीव्हीके समूह उभारणार आहे. या विमानतळावरून प्रारंभी दरवर्षी १ कोटी प्रवाशांची ये-जा होण्यासाठी पहिल्या टप्प्यात ८ हजार ५०० कोटी रुपये गुंतवणूक करणार आहे. याबाबत जीव्हीके रेड्डी यांनी बुधवारी माहिती दिली आहे. नवी मुंबई आंतरराष्ट्रीय विमानतळ हे सार्वजनिक-खाजगी भागीदारी उपक्रम आहे. यामध्ये जीव्हीकेच्या नेतृत्वाखालील मुंबई आंतरराष्ट्रीय विमानतळाची सिडकोसोबत ७४ टक्के भागिदारी आहे. तसंच, प्रकल्पासाठी असलेल्या महाराष्ट्र सरकारच्या नोडल एजन्सीची २६ टक्के भागीदारी आहे.

६ कोटी प्रवासी

नवी मुंबई आंतरराष्ट्रीय विमानतळ हे ११६० एकरमध्ये अनेक टप्प्यात उभारण्यात येणार आहे. या विमानतळाची वार्षिक क्षमता ६ कोटी प्रवासी इतकी असेल. जीव्हीके पावर अॅण्ड इंफ्रा लिमिटेड (जीव्हीकेपीआयएल) या कंपनीच्या वार्षिक बैठकीत रेड्डी यांनी शेअरधारकांना सांगितलं की, पहल्या टप्प्यात या विमानतळावर जवळपास ८ हजार ५०० कोटी रुपये खर्च करण्यात येणार आहे.

त्याशिवाय, पहिल्या टप्प्यात या विमानतळाची क्षमता १ कोटी प्रवासी इतकी असणार आहे. त्याचप्रमाणं, २,५०० किंवा ३००० कोटी रुपये खर्च केल्यास प्रवासी क्षमता २ कोटीवर जावू शकते. 



हेही वाचा -

महिला लोकल डब्यातील सीसीटीव्ही कॅमेऱ्याची प्रवाशांना प्रतिक्षाच

महापालिकेतील नगरसेवकांची कामगिरी घसरली, प्रजा फाऊंडेशनचा अहवाल



संबंधित विषय
ताज्या बातम्या