१५ डिसेंबरपासून नियमित आंतरराष्ट्रीय विमान सेवा सुरू करण्याचा निर्णय लांबणीवर टाकण्यात आला आहे. केंद्रीय हवाई वाहतूक मंत्रालयानं एक आदेश जारी करून ही घोषणा केली आहे. अवघ्या चार दिवसांपूर्वी जाहीर केलेल्या निर्णयाला स्थगिती दिली गेली आहे.
कोरोनाच्या नव्या व्हेरियंटमुळे केंद्र सरकारनं खबरदारीचा उपाय म्हणून हा निर्णय घेतला आहे. चारच दिवसापूर्वी म्हणजे २६ नोव्हेंबरला भारत सरकारनं १४ देश वगळता इतर सर्व देशांसाठी आंतरराष्ट्रीय विमानसेवा सुरू करण्यास परवानगी दिली होती.
कोरोना महासाथ ओसरत असल्यानं हा निर्णय घेण्यात आला असल्याचं म्हटलं गेलं होतं. आता हा निर्णय परत मागे घेण्यात आला आहे.
भारतात कोरोनाची सुरुवात झाल्यानंतर मार्च २०२० पासून आंतरराष्ट्रीय विमान सेवेवर निर्बंध लागू करण्यात आले होते. काही महिने आंतरराष्ट्रीय विमानसेवा ठप्प होती. त्यानंतर 'वंदे भारत' विमान सेवा आणि कोव्हिड बबल नियमांनुसार, विमानसेवा सुरू करण्यात आली.
भारत सरकारनंही कोरोनाच्या नव्या व्हेरियंटच्या पार्श्वभूमीवर सुधारीत गाईडलाईन्स जारी केल्या आहेत. ज्या गाईडलाईन्सची अमलबजावणी आजपासून केली जाणार आहे.
हेही वाचा
Share
Tweet
