'इ व्हेरीटो' ही महिंद्रा कंपनीची गाडी आहे. या गाडीला पेट्रोल आणि डिझेलची गरज लागत नाही. या गाडीला शासनाची सबसिडी आहे. पर्यावरणामधील प्रदूषण कमी करणं हे प्रत्येक नागिकाचं कर्तव्य आहे. मुंबई आणि ठाणे शहरामध्ये मोठ्या प्रमाणात प्रदूषण वाढलं आहे. त्यामुळं पर्यारणाची हानी होऊ नये यासाठी प्रत्येकानं ही इलेक्ट्रीक गाडी घ्यायला हवी.
- अविनाश निमोणकर, गाडी मालक
भारतात पेट्रोल, डिझेल आणि सीएनजी या गाड्यांमुळे मोठ्या प्रमाणात प्रदूषण होतं. या प्रदूषणावर नियंत्रण मिळवण्यासाठी भारतात इलेक्ट्रिक गाड्या दाखल झाल्या आहेत. या गाड्यांना प्रधान्य मिळवा यासाठी अनेक प्रकराचे उपक्रम राबवले जात आहेत. परंतु, या गाड्यांना हवा तसा प्रतिसाद मिळत नाही. असं असतानाही पर्यावरणाची हानी होऊ नये यासाठी ठाण्यात राहणाऱ्या अविनाश निमोणकर यांनी इलेक्ट्रिक कार घेतली आहे. तसंच, या गाडीला हिरव्या रंगाची नंबर प्लेट आहे.
सरकारी अनुदान आणि करमाफी
महिंद्रा कंपनीची ही गाडी असून 'इ व्हेरिटो' असं या गाडीचं नाव आहे. या गाडीमुळे प्रदूषण होत नाही. त्यामुळे या गाडीला हिरव्या रंगाची नंबर प्लेट लावण्यात आली आहे. या गाडीची किंमत बाजारात १५ ते १६ लाख रुपये आहे. परंतु, या गाडीला सरकारी अनुदान आणि करमाफी मिळाल्यामुळे या गाडीची किंमत ४ ते ५ लाख रुपयांनी कमी झाली आहे.
'इ व्हेरिटो' या गाडीला घरी चार्ज करत असाल तर १० तासांत ही गाडी चार्ज होते. तसंच, डीसी फास्ट चार्जिंग स्टेशनवर चार्ज केल्यास ही गाडी ४५ मिनिटांत चार्ज होते. त्यामुळं ही गाडी एकदा चार्ज केल्यावर १५० किलोमीटर चालते.
गाडीची वैशिष्ट्ये?