पंतप्रधान नरेंद्र मोदी 30 डिसेंबर रोजी जालना-मुंबई वंदे भारत एक्सप्रेस ट्रेनचे लॉन्चिंग करणार आहेत. अयोध्या धाम जंक्शन रेल्वे स्थानकाच्या उद्घाटन कार्यक्रमादरम्यान उत्तर प्रदेशातील अयोध्या येथून एक्स्प्रेसचे लाँचिंग होणार आहे. 

दरभंगा-अयोध्या-दिल्ली (आनंद विहार टर्मिनल) आणि मालदा टाउन-बेंगळुरू या दोन अमृत भारत एक्स्प्रेस गाड्या आणि इतर पाच वंदे भारत एक्सप्रेस गाड्यांनाही हिरवा झेंडा दाखवण्यात येणार आहे.

मध्य रेल्वेच्या म्हणण्यानुसार, मुंबई शहरासाठी वंदे भारत एक्सप्रेस विशेष गाडी क्रमांक 02705 या गाडीला आठ डबे असतील आणि महाराष्ट्रातील जालना शहरातून ७ तास ४५ मिनिटांत प्रवास पूर्ण करेल. प्रवासाचे तात्पुरते वेळापत्रक सकाळी 11 वाजता आहे.

सकाळी 11.55 वाजता औरंगाबाद; मनमाड जंक्शन येथे दुपारी 1.42 वाजता; नाशिकरोड येथे दुपारी 2.44 वाजता, कल्याण जंक्शन येथे 5.06 वाजता; ती ठाणे येथे सायंकाळी 5.28 वाजता, दादरला 5.50 वाजता आणि सीएसएमटी मुंबईला 6.45 वाजता पोहोचेल.

शनिवारी मनमाड जंक्शन, नाशिकरोड, कल्याण जंक्शन, ठाणे, दादर सेंट्रल आणि सीएसएमटी मुंबई स्टेशनवर वंदे भारत एक्सप्रेसचे जंगी स्वागत करण्यात येणार आहे.

माता वैष्णो देवी कटरा, नवी दिल्ली वंदे भारत एक्सप्रेस, अमृतसर-दिल्ली वंदे भारत एक्सप्रेस, कोईम्बतूर-बेंगळुरू वंदे भारत एक्सप्रेस, मंगलोर-मडगाव (गोवा) वंदे भारत एक्सप्रेस आणि अयोध्या धाम-आनंद विहार टर्मिनल या पाच इतर वंदे भारत ट्रेन्स आहेत.

हेही वाचा

कर्जत ते खोपोली दरम्यान 6 दिवसांचा मेगाब्लॉक