गेल्या रविवारी हार्बर मार्गावरील नेरूळ-उरण मार्गाचं उद्घाटन करण्यात आलं. या उद्घाटनानंतर सोमवारपासून हा मार्ग प्रवाशांकरीता सुरू झाला. या मार्गाला प्रवाशांचा चांगला प्रतिसाद मिळताना दिसून येत आहे. सोमवारी पहिल्याच दिवशी खारकोपर आणि बामनडोंगरी या स्थानकावर ३,०७२ तिकीटे विकण्यात आली.
नेरूळ-उरण मार्गाचं काम जलदगतीने पूर्ण होत असून सद्यस्थितीत नेरूळ ते खारकोपर या स्थानकांदरम्यान नवी सेवा सुरू करण्यात आली आहे. या दोन स्थानकांदरम्यान राहणाऱ्या प्रवाशांना या सेवेचा चांगला फायदा होत आहे.
सोमवारी सायंकाळी ४ वाजेपर्यंत बामनडोंगरी स्थानकावर २,१३० तिकीटांची विक्री झाली. तर खारकोपर स्थानकावर ९४२ तिकीटांची विक्री झाली. या तिकीट विक्रीतून रेल्वेला ९० हजार रुपयांहून जास्त रुपयांचा महसूल मिळाल्याची माहिती वरिष्ठ रेल्वे अधिकाऱ्याने दिली.
Share
Tweet
