2007 मध्ये टी- 20 विश्वचषक जिंकल्यानंतर विजयी भारतीय क्रिकेट संघाच्या मिरवणुकीसाठी वापरल्या गेलेल्या अशा डबल-डेकर बसेसची शहर आतुरतेने वाट पाहत आहे. तथापि, बृहन्मुंबई विद्युतपुरवठा आणि परिवहन उपक्रम (BEST) ने 10 खुल्या डबल-डेकर (Double - Decker) बस भाड्याने देण्यासाठी काढलेल्या निविदांना तीन महिने उलटूनही अद्याप प्रतिसाद मिळालेला नाही.

बेस्टने (BEST) ऑक्टोबर 2023 मध्ये शेवटची ओपन डेक बस बंद केली. कारण, त्या बसने 15 वर्षांचे आयुष्य पूर्ण केले होते. त्यानंतर, बेस्टने पर्यटनासाठी खुल्या डबल डेकर बस सुरू ठेवण्याचा निर्णय घेतला. 

बेस्टच्या (BEST) एका अधिकाऱ्याने सांगितले की, “आम्ही 10 ओपन डबल डेक बस भाड्याने देण्यासाठी निविदा काढल्या आहेत. आम्ही प्रतिसादाची वाट पाहत आहोत. आम्हाला प्रतिसाद मिळताच आम्ही या खुल्या डबल डेक बसेस शहरात पुन्हा सुरू करण्याची प्रक्रिया सुरू करू.

तसेच एका अधिका-यांनी सांगितले की, “आम्ही प्रदूषण विरहित इलेक्ट्रिक बसेस (Electric buses) भाड्याने देण्याची योजना आखत आहोत, खालचा मजला एसी आणि वरचा ओपन डेक असेल.”

सणासुदीच्या काळात आणि संध्याकाळच्या वेळी या बसेस एक मोठे आकर्षण असते. 26 जानेवारी 1997 रोजी बेस्टने पहिली खुली डबल डेकर बस सुरू केली होती. गेल्या काही वर्षांत या बसची संख्या पाचवरून तीनवर आली आहे. ही सेवा 5 ऑक्टोबर 2023 पर्यंत सुरू ठेवण्यात आली होती.

बेस्टने (BEST) या खुल्या डबल-डेक बसेस पर्यटकांसाठी चालू केल्या होत्या, ज्यात प्रामुख्याने दक्षिण मुंबईतील (south bombay) प्रतिष्ठित ठिकाणे आणि प्रेक्षणीय स्थळे समाविष्ट होती. या बसेस पार्ट्यांसाठीही भाड्याने देण्यात आल्या होत्या.

हेही वाचा

सायन रोड ओव्हर ब्रिज बंद झाल्याचा फटका बेस्टच्या 200 बसेसना

गोरेगाव : आरेतील नवीन रस्त्यांना दोन महिन्यांतच खड्डे