हार्बर मार्गावरील (harbour) लोकल शहराच्या पूर्वेकडील समुद्राजवळ पसरलेली आहे आणि तेथुन ती शहराला नवी मुंबईशी (navi mumbai) जोडली जाते. लांब पल्ल्याच्या गाड्यांसाठी अतिरिक्त ट्रॅक मोकळे करण्यासाठी छत्रपती शिवाजी महाराज टर्मिनस (csmt) ऐवजी सँडहर्स्ट रोडपर्यंत (sandhurst road) हार्बर रेल्वे सेवा धावण्याची शक्यता आहे.  

याबाबतचा प्रस्ताव केंद्रीय रेल्वेमंत्री अश्विनी वैष्णव (ashwini vaishnav) मुंबई (mumbai) दौऱ्यावर असताना त्यांच्यासमोर ठेवण्यात आला होता. परंतु सँडहर्स्ट रोड रेल्वे स्थानक मोठ्या प्रमाणात प्रवाशांची वर्दळ हाताळण्यासाठी सुसज्ज नाही. त्यामुळे हा प्रस्ताव वास्तववादी किंवा व्यवहार्य नसल्याचे रेल्वे विभागाच्या एका अधिकाऱ्यांचे म्हणणे आहे. तसेच रेल्वेने यावर पर्यायी योजना शोधल्या पाहिजेत.

प्रस्तावानुसार, हार्बर मार्गावरील उपनगरीय रेल्वे सँडहर्स्ट रोड स्थानकावर थांबणार. ज्या प्रवाशांना मस्जिद बंदर किंवा सीएसएमटीला जायचे आहे त्यांना मेन लाइन स्टेशनवर उतरून धीम्या रेल्वेच्या प्लॅटफॉर्मवरून ट्रेन पकडावी लागेल किंवा रस्त्याने प्रवास करावा लागेल.

तसेच रेल्वे प्रशासन सँडहर्स्ट रोडला मशिदीशी जोडणारा 300 मीटर फूट ओव्हरब्रिज बांधण्याच्या शक्यतेवरही विचार करत आहे.

सँडहर्स्ट रोडवरील सेवा बंद केल्याने सीएसएमटी दरम्यानचे दोन ट्रॅक मोकळे होतील. जे सध्या हार्बर मार्गावरील अप आणि डाऊन सेवांसाठी वापरले जातात. त्या ट्रॅकचा वापर मुख्य मार्गावरील धीम्या गाड्यांसाठी केला जाईल.

तर जलद गाड्या सध्या मुख्य मार्गावरील धिम्या गाड्यांसाठी असलेल्या दोन ट्रॅकवर चालवल्या जातील. सध्या ज्या ट्रॅकवर जलद गाड्या धावतात ते लांब पल्ल्याच्या गाड्यांसाठी वापरल्या जातील.

भारतीय रेल्वे कुर्ला आणि सीएसएमटी दरम्यान दोन अतिरिक्त मार्गिका बांधण्यासह उपनगरीय रेल्वेची गर्दी कमी करण्यासाठी अनेक उपक्रम हाती घेत असताना सध्याचा प्रस्ताव मांडण्यात आला आहे. 

"ही योजना केवळ एक आउट-ऑफ-द-बॉक्स कल्पना आहे आणि त्याला पुढे जाण्याची परवानगी देण्यात आलेली नाही," असे एका वरिष्ठ रेल्वे अधिकाऱ्याने स्पष्ट केले. योजनेचा एक भाग म्हणून भायखळा  (byculla) स्थानकातही आमूलाग्र बदल केले जातील, असेही ते म्हणाले.

परंतु रेल्वे अधिकारीने सांगितले की, ही योजना व्यवहार्य नाही कारण यामुळे प्रवाशांची गैरसोय होईल आणि सँडहर्स्ट रोडवरील स्लो कॉरिडॉरवरील प्लॅटफॉर्मवर प्रचंड भार पडेल.

हेही वाचा

मुंबईत लवकरच रेल्वेचा चेहरा मोहरा बदलणार

मध्य रेल्वेच्या वेळापत्रकात ऑगस्टमध्ये बदल होणार