ठाणे इथल्या पूर्व रेल्वे स्थानक परिसरातील सॅटिस उड्डाणपुलाचे काम सुरू आहे. त्यामुळे ठाणे वाहतूक पोलिसांनी बसच्या मार्गात मोठे बदल केले आहेत. ठाणे (पूर्व) स्थानकातून बोरिवली, नालासोपारा आणि रामनगर मार्गे वागळे इस्टेट डेपोमार्गे जाणारी बस आता ठाणे (पश्चिम) रेल्वे स्थानकावरून सुरू होणार आहे.
२६ जुलैच्या मध्यरात्रीपासून हा बदल सुरू झाला असून तो २४ ऑगस्टपर्यंत महिनाभर लागू राहणार आहे. २६ जुलैच्या रात्रीपासून या मार्गावरील वाहतूक बंद करण्यात आली आहे.
ठाणे स्मार्ट सिटी अंतर्गत ठाणे पूर्व रेल्वे स्थानक परिसरात सॅटिस पुलाचे बांधकाम सुरू आहे. ठाणे महापालिका परिवहन मार्ग क्र. ६५ (बोरिवली) आणि मार्ग क्र. ६९ (नालासोपारा) आणि मार्ग क्र.१११ (वाबळे डेपो मार्गे रामनगर) ठाणे पश्चिमेतील सॅटिस येथून गुरुवार, २७ जुलैपासून कार्यान्वित होणार आहेत.
ठाणे रेल्वे स्थानकावरील उड्डाणपुलाच्या सिद्धार्थनगर ते विराज टॉवर दरम्यानच्या खांबावर सेगमेंट टाकण्याचे काम, कोपरी पूर्व 26 जुलै 2023 ते 24 ऑगस्ट 2023 या कालावधीत केले जाईल.
प्रवाशांनी याची नोंद घेऊन परिवहन सेवेला सहकार्य करावे, असे आवाहन ठाणे महापालिका परिवहन (TMT) प्रशासनाने केले आहे.
हेही वाचा
Share
Tweet
