मुंबई-पुणे एक्स्प्रेस वेवरचा प्रवास आता महाग होणार आहे. मुंबई-पुणे द्रुतगती मार्गावरील टोलमध्ये 18 टक्के वाढ होणार आहे. ही वाढ 1 एप्रिल 2023 पासून असेल. मुंबई-पुणे एक्स्प्रेस वेवरून प्रवास करणाऱ्यांना जास्त टोल भरावा लागणार आहे.
2004 मध्ये सार्वजनिक बांधकाम विभागाने (MSRDC) मुंबई पुणे द्रुतगती मार्गावरील टोल दर तीन वर्षांनी 18 टक्क्यांनी वाढवण्याची सूचना केली. त्यानंतर सरकारने टोल वाढवण्याचा निर्णय घेतला आहे.
कसे आहेत नवीन दर
| वाहन प्रकार | वर्तमान टोल (रूपये) | वाढलेला टोल (रूपये) |
|---|---|---|
| कार | 270 | 320 |
| टँपो | 420 | 495 |
| ट्रक | 580 | 685 |
| बस | 797 | 940 |
| थ्री एक्सेल | 1380 | 1380 |
| एम एक्सेल | 1835 | 2165 |
मुंबई-पुणे या एक्सप्रेसवर सध्या 195 रुपये असा टोल आकारला जात आहे. शिवाय या मार्गावर वाहनधारकांची संख्याही अधिक आहे. असे असतानाच आता 1 एप्रिलपासून 18 टक्के टोलमध्ये वाढ होणार आहे. त्यामुळे वाहनधारकांना 195 रुपयांवरुन 203 रुपये मोजावे लागणार आहेत.
मुंबई-पुणे एक्सप्रेसवेवर वाहनधारकांची संख्या मोठ्या प्रमाणात आहे. शिवाय ये-जा करणारेही अधिक आहेत. अशातच आता टोलमध्ये वाढ होणार असल्याने जाण्यागणीस 8 रुपये अधिकचे द्यावे लागणार आहेत.
1 एप्रिल 2020 रोजी टोल वाढवण्यात आला
यापूर्वी 1 एप्रिल 2020 रोजी टोलमध्ये वाढ करण्यात आली होती. पुढील वर्षी १ एप्रिलपासून टोलचे दर वाढणार आहेत. तथापि, सार्वजनिक बांधकाम विभागाने असेही म्हटले आहे की 1 एप्रिल 2023 पासून लागू होणारे टोलचे दर 2030 पर्यंत सुरू राहतील आणि 2030 पर्यंत बदलले जाणार नाहीत.
हेही वाचा
Share
Tweet
