भायखळ्यातील मौलाना आझाद मार्गावर घाणीचे साम्राज्य पसरले आहे. या परिसरात कचरा टाकण्यासाठी पालिकेकडून पुरेशी व्यवस्था केलेली नसल्याने स्थानिकांकडून सीएनजी पम्प समोरील मोकळ्या रस्त्यावर कचरा टाकण्यात येत आहे. त्यामुळे ठिकठिकाणी कच-याचे ढीग साचून दुर्गंधी पसरली आहे. स्थानिक नागरिक मात्र या समस्येकडे कानाडोळा करून निमुटपणे राहत आहेत. तसेच त्यांच्याकडून यासंदर्भात कुणाकडेही तक्रार करण्यात आलेली नाही.