आरबीआयने कर्जावरील ईएमआय भरण्यासाठी 3 महिन्यांची सवलत दिली आहे. त्यामुळे 3 महिन्यांसाठी ईएमआय स्थगित करण्यासाठी बँकांकडून ग्राहकाच्या रजिस्टर्ड मोबाइल नंबरवर तसा मेसेज पाठवण्यात येत आहे. मात्र, काही भामटे या परिस्थितीचा फायदा घेत लोकांना लुबाडत असल्याचं समोर आलं आहे. त्यामुळे बँकांनी त्यांच्या ग्राहकांना सतर्क राहण्यासाठी अलर्ट पाठवला आहे.
फसवणूक करणारे ग्राहकांना त्यांचे ईएमआय स्थगित करण्यासाठी ओटीपी किंवा पिन मागण्यासाठी कॉल करत आहेत. त्यानंतर ग्राहकांच्या खात्यातील पैसे काढले जात आहेत. त्यामुळे अशी संवेदनशील मागणी ग्राहकांनी या भामट्यांना देऊ नये याकरता अॅक्सिस बँक, स्टेट बँक ऑफ इंडिया, आयसीआयसीआय तसंच जवळपास सर्व बँकांनी याबाबत ग्राहकांना अलर्ट पाठवला आहे. ईएमआय सवलतीचा फायदा घेत ग्राहकांना लुबाडण्याचं काम सुरू आहे अशी माहिती या अलर्टमध्ये देण्यात आली आहे.
अॅक्सिस बँकेने मेल करून सुरू असलेल्या फसवणुकीबाबत माहिती दिली आहे. फसवणूक करणारे ईएमआयमध्ये सवलत मिळवून देतो सांगत ओटीपी, सीव्हीव्ही किंवा पिन मागत आहेत. त्यांच्यापासून सावध राहा. तुम्ही माहिती दिलीत तर तुम्हाला मोठा फटका बसू शकतो, असं बँकेने म्हटलं आहे. अॅक्सिस बँकेप्रमाणेच इतर बँकांनीही मेसेज, मेल किंवा अॅपद्वारे नोटिफिकेशन पाठवून यासंदर्भात माहिती दिली आहे.
Axis Bank will never ask you to share your OTP, CVV and PIN to postpone your EMI. Always refrain from sharing confidential banking information with anyone. pic.twitter.com/1IB66HRbSu
— Axis Bank (@AxisBank) April 6, 2020
एसबीआयने ट्वीट करत ग्राहकांना सतर्क राहण्याचे आवाहन केले आहे. पीआयबी फॅक्ट चेख (PIB Fact Check) आणि एसबीआयने याबाबत ग्राहकांना अलर्ट राहण्यास सांगितले आहे. PIB Fact Check ने एसबीआयचं ट्वीट रीट्वीट करत याबाबत माहिती दिली आहे.
Cyber fraudsters keep finding new ways to scam people. The only way to beat the #cybercriminals is to #BeAlert & be aware. Please note that EMI Deferment does not require OTP sharing. Do not share your OTP. For details on EMI Deferment scheme, visit: https://t.co/wP3Xux99vI#SBI pic.twitter.com/2GZSHX3ONa
— State Bank of India (@TheOfficialSBI) April 5, 2020
हेही वाचा