पेटीएमचा (Paytm) आयपीओ अखेर बाजारात दाखल झाला आहे. Paytm ची मूळ कंपनी One97 Communications चा १८,३०० कोटी रुपयांचा आयपीओ बाजारात दाखल झाला आहे. ज्याची सबस्क्रिप्शन प्राईज २०८०- २१५० रुपये इतकी आहे. केवळ दोनच दिवस सबस्क्रिप्शनसाठी असून १० नोव्हेंबरला बंद होणार आहे.
"Paytm चे मूल्यांकन उच्च असू शकते, परंतु ते डिजिटल पेमेंटचे दुसरे नाव बनले आहे. पेटीएम मोबाईल पेमेंट स्पेसमध्ये हे मार्केट लीडर आहे. आर्थिक वर्ष २०२१ ते आर्थिक वर्ष २०२६ दरम्यान, मोबाईल पेमेंट ५ पटीनं वाढेल आणि Paytm सर्वात जास्त फायदा मिळवण्याच्या स्थितीत आहे.", असं तज्ज्ञांचं म्हणणं आहे.
यापूर्वी, कोल इंडियाचा आयपीओ सर्वात मोठा होता जो २०१० मध्ये आला होता. पेटीएमचा इश्यू भरण्यासाठी १० नोव्हेंबरपर्यंत वेळ आहे. १८३०० कोटी रुपयांचा ८३०० कोटी रुपयांचा फ्रेश इश्यू जारी करण्यात आला आहे. तर १० हजार कोटी रुपयांचे शेअर्स ऑफर फॉर सेलमध्ये विकले गेले आहेत.
पेटीएम नवीन व्यापारी आणि ग्राहक जोडण्यासाठी नवीन इश्यूमधून जमा केलेला निधी वापरण्याची योजना आखत आहे. मूल्यमापनावर गुंतवणूकदारांच्या मत भिन्नतेमुळे पेटीएमने IPOपूर्व निधी उभारला नाही.
पेटीएमच्या मुद्द्याबाबत, आयसीआयसीआय सिक्युरिटीजचे म्हणणे आहे की, दररोज नवीन तंत्रज्ञानाच्या आगमनामुळे पेमेंट मार्केटमधील स्पर्धा लक्षणीय वाढली आहे. जर पेटीएम व्यापाऱ्यांना आकर्षित करण्यात यशस्वी झाली नाही, तर त्याचा त्याच्या व्यवसायावर वाईट परिणाम होईल.
हेही वाचा
Share
Tweet
