गेल्या काही वर्षांत क्रेडिट कार्डचा वापर झपाट्याने वाढला आहे.एकीकडे क्रेडिट कार्ड तुमची तात्काळ पैशांची गरज भागवतात. तर दुसरीकडे बँकांकडून सहजपणे क्रेडिट कार्ड उपलब्ध करून दिलं जातं. आजच्या काळात लोक रोख रकमेचा वापर करण्यापेक्षा क्रेडिट कार्ड वापरणं पसंत करतात. मग ते रेस्टॉरंट बिल असो किंवा किराणा बिल. मात्र, क्रेडिट कार्ड वापरताना काही काळजी घेणं अत्यावश्यक आहे. ही काळजी घेतली नाही तर तुम्हाला चांगलाच भुर्दंड पडू शकतो. त्यामुळे क्रेडिट कार्ड वापरताना काय काळजीपैसे काढणे टाळा घ्यावी याची माहिती आपण घेऊया.
आपण नवीन क्रेडिट कार्ड वापरकर्ते असल्यास,आपला कार्ड तपशील कोणालाही सांगू नका. अनेकदा बँकेचा प्रतिनिधी असल्याचं सांगून आपल्याकडून क्रेडिट कार्डची आवश्यक माहिती मिळवतात. बँक आणि क्रेडिट कार्ड कंपन्या आपल्याकडून कधीही असे तपशील विचारत नाहीत हे लक्षात ठेवा. कुठेही खरेदी करत असल्यास विशेषतः सावधगिरी बाळगा. आजकाल बऱ्याच ठिकाणी आपले कार्ड स्किमिंग (कॉपी करणे)होण्याची शक्यता आहे. यामुळे कार्डचा गैरवापर होऊ शकतो.
क्रेडिट कार्ड वापरताना बिल भरण्याची शेवटची तारीख लक्षात ठेवा. शेवटच्या तारखेपूर्वी नेहमीच बिल भरण्याचा प्रयत्न करा. त्यामुळे आपला सिबिल स्कोर मजबूत होईल आणि दुसऱ्या बँकेकडून कर्ज घेणं सोपं होईल.वेळेवर पैसे भरले नाहीत तर दंड भरावा लागेल आणि तुमचा सिबिल स्कोअरही खराब होईल.
जेव्हा क्रेडिट कार्ड बिल येतं तेव्हा त्यामध्ये बिल भरण्याच्या शेवटच्या तारखेसह बिल भरण्याची किमान रक्कम नमूद केलेली असते. ठरलेल्या तारखेला आपण संपूर्ण रक्कम जमा करण्यास अक्षम असल्यास,किमान रक्कम देण्याचा प्रयत्न करा. जर किमान रक्कमही भरली नाही तर बँकेकडून दंड आकारला जाईल. मात्र, किमान रक्कम भरल्यानंतरही उर्वरित रकमेवर व्याज जोडून बँकेकडून शुल्क आकारलं जातं. म्हणून आपण संपूर्ण बिल भरण्याचा प्रयत्न केला पाहिजे.
क्रेडिट कार्ड मर्यादा संपूर्ण न वापरण्याचा नेहमीच प्रयत्न करा. आपण बऱ्याचदा मर्यादा पूर्ण वापरल्यास आपले क्रेडिट प्रोफाइल नकारात्मक होऊ शकते. संपूर्ण क्रेडिट मर्यादा वापरल्यास आपल्याला बँकेकडून क्रेडिट हंग्री कॅटेगरीमध्ये समाविष्ट केले जाऊ शकते. म्हणून क्रेडिट मर्यादेचा पूर्ण वापर करणे टाळा.
आपण क्रेडिट कार्डमधून रोख रक्कम काढल्यास कंपन्या आपल्याकडून अधिक व्याज घेतात. रोख रक्कम काढण्यावर निश्चित शुल्क आकारले जाते. म्हणून क्रेडिट कार्डमधून रोख रक्कम काढणे टाळा.
हेही वाचा -
भारीच! SMS ने बदलता येणार टीव्ही चॅनेल
फुकट काॅलचा खेळ खल्लास! जिओही आकारणार आता शुल्क
Share
Tweet
