मोबाईल चोरट्याच्या हल्ल्यात गंभीर जखमी होऊन एक पाय, पायाचा अंगठा आणि हाताची बोटं गमावलेली द्रविता सिंह (२३) उपचारानंतर नव्या उमेदीने आपल्या घरी परतली आहे.
शनिवारी द्रविता सिंहला चर्नीरोडच्या भाटिया रुग्णालयातून घरी सोडण्यात आलं. त्यानंतर तिला तिचे कुटुंबिय कल्याणच्या राहत्या घरी घेऊन गेले. द्रवितावर आतापर्यंत एकूण ६ शस्त्रक्रिया करण्यात आल्या आहेत. २१ दिवसांनी ती आपल्या घरी परतली आहे.
द्रविताचा पाय वाचवण्याचा आमचा प्रयत्न यशस्वी झाला. द्रवितावर ६ शस्त्रक्रिया करण्यात आल्या आहेत. वॅक मशिनच्या साहाय्याने तिच्या जखमेतील संसर्ग काढून टाकला, तिथे त्वचारोपण केलं. तिच्या पायाला अजून प्लास्टर आहे. ६ आठवड्यानंतर तिचा चालण्याचा सराव घेतला जाईल. त्यासाठी खास फूटवेअर दिले जातील. त्याआधारे ती चालू शकेल.
- डॉ. शैलेश रानडे, प्लॅस्टिक सर्जन, भाटिया रुग्णालय
द्रविताला डिस्चार्ज दिला तेव्हा ती खूप खूष होती. पण, नंतर जेव्हा तिला तिचा हात दाखवला तेव्हा ती रडत होती. तिला थोडा धक्का बसला. मात्र ती खूप धाडसी आहे. ती लवकरच स्वत: ला सावरेल, असं डॉ. रानडे यांनी सांगितलं.
हेही वाचा-
द्रविताच्या उपचारांचा खर्च भाटिया रूग्णालयाने उचलला
ट्रेनच्या दारात उभं रहाणं द्रविताला भोवलं, तीन बोटं आणि पायावरून गेली ट्रेन
Share
Tweet
