येत्या 20 नोव्हेंबरला राज्यात (maharashtra) विधानसभा निवडणुकीसाठी (maharashtra vidhan sabha election 2024) मतदान होणार आहे. तसेच 23 नोव्हेंबरला निवडणुकांचा (elections) निकाल जाहीर होणार आहे.

मुंबई शहर आणि उपनगरातील सर्व व्यवसाय, व्यापार, उद्योग समूह, महामंडळे, कंपन्या व संस्था, औद्योगिक उपक्रमात मोठ्या प्रमाणात कामगार तसेच अधिकारी कार्यरत आहेत. 

येत्या निवडणुकीत या सर्व कामगार आणि अधिकाऱ्यांना मतदानाचा (election) हक्क बजावता यावा यासाठी 20 नोव्हेंबर रोजी सुट्टी देणे बंधनकारक करण्यात आले आहे. या नियमांचे पालन न करणाऱ्या आस्थापनांच्या मालकांविरोधात कडक कारवाई केली जाईल, असा इशारा जिल्हा निवडणूक अधिकारी आणि महानगरपालिका आयुक्त भूषण गगराणी यांनी बुधवारी दिला.

भारत निवडणूक आयोग तसेच मुख्य निवडणूक अधिकारी भूषण गगराणी (bhushan gagrani) यांच्या सूचनांनुसार मुंबई शहर व उपनगरांत मतदानाची टक्केवारी वाढविण्यासाठी भूषण गगराणी यांच्या मार्गदर्शनाखाली विविध उपक्रम राबविले जात आहेत.

याच पार्श्वभूमीवर, मुंबई शहर आणि दोन्ही उपनगरांतील मतदारांना निवडणुकीत मतदानाचा हक्क बजावता यावा, यासाठी विविध नियम लागू करण्यात आले आहेत. राज्याच्या विधानसभा निवडणुकीत मतदानाचा अधिकार असलेल्या प्रत्येक व्यक्तीला मतदानाच्या दिवशी सुट्टी (leave) देण्याबाबत गगराणी यांनी आदेश दिले आहेत.

सर्व उद्याोग समूह, महामंडळ, कंपन्या व संस्था, औद्याोगिक उपक्रम किंवा इतर आस्थापना आदींना हा नियम लागू होणार आहे.

लोक प्रतिनिधीत्व अधिनियमानुसार, एखाद्या मतदाराची (voters) नोकरीवरील अनुपस्थिती नोकरीच्या संदर्भात धोकादायक किंवा हानिकारक ठरणार असल्यास मतदारावर उल्लंघनात्मक कारवाई केली जाणार नाही.