कोरोनाला आळा घालण्यासाठी लसीकरण हा एक जालीम उपाय मानला जात आहे. त्यानुसार, सर्वत्र लसीकरण केलं जात आहे. अशातच आता बहुप्रतिक्षीत असलेल्या १५ ते १८ वर्षे वयोगटातील मुलांचं लसीकरण करण्यात येणार आहे. देशभरात येत्या ३ जानेवारीपासून १५ ते १८ वर्षे वयोगटातील मुलांना कोरोनाची लस दिली जाणार आहे.
१५ ते १८ वर्षे वयोगटातील मुलांच्या लसीकरणासाठी Cowin अॅपवर नोंदणी करावी लागणार आहे. यासाठी १ जानेवारीपासून नोंदणी करता येणार आहे. नोंदणीसाठी १० वीचे ओळखपत्र देखील ओळखीचा पुरावा म्हणून ग्राह्य धरला जाणार आहे. कारण काही विद्यार्थ्यांकडे आधार कार्ड किंवा इतर कोणतंही ओळखपत्र सद्यस्थितीत उपलब्ध नाहीत.
नोंदणी प्रक्रिया
देशाच्या औषध नियंत्रकाने १२ ते १८ वयोगटातील मुलांसाठी आपत्कालीन वापरासाठी भारत बायोटेकच्या कोवॅक्सीन लसीला मंजुरी दिली आहे. पण सरकारने केवळ १५ ते १८ वयोगटातील मुलांसाठी लसीकरण सुरू करण्याचा निर्णय घेतला आहे.
देशात १५-१८ वर्षे दरम्यान १० कोटी मुले आहेत. या मुलांना लसीचा पहिला डोस लवकरात लवकर देण्याचा सरकारचा प्रयत्न असेल. मुलांच्या लसीकरणाची मागणी देशात खूप दिवसांपासून केली जात आहे.