बेस्ट (BEST) कर्मचाऱ्यांनतर आता महापालिका (BMC) कर्मचऱ्यांनीही संपावर (Strike) जाण्याचा इशारा दिला आहे. नवीन वेतन करार, सदोष बायोमेट्रिक हजेरी पद्धत बंद करणं, वैद्यकीय गटविमा योजना सुरू करणं आदी मागण्यांसाठी महापालिका कर्मचारीही आंदोलनाच्या तयारीत आहेत. या मागण्यांबाबत कामगार संघटनांची पालिका प्रशासनासोबत मंगळवारी बैठक होणार असून, बुधवारी मोर्चा काढण्यात येणार आहे.
या मोर्चानंतर वेतनवाढी संदर्भात निर्णय न झाल्यास गणेशोत्सवानंतर आंदोलनाचा इशारा कामगारांच्या समन्वय समितीने दिला आहे. महापालिका कामगार संघटनेच्या समन्वय समितीनं १२ जुलै २०१९ रोजी आपल्या विविध मागण्यांसाठी प्रशासनासह चर्चा केली होती. मात्र, त्यानंतर नवीन वेतन करारासह अन्य मागण्यांबाबत निर्णय झाला नाही.
हेही वाचा -
१६ पुलांच्या दुरूस्तीसाठी पालिका करणार १४ कोटी रुपये खर्च
गणेशोत्सव २०१९: आर्थिक मंदीमुळं यंदा २५ टक्के मंडळ कमी