मुंबईत करोनाच्या ‘एक्सई’ या उपप्रकाराचा पहिला रुग्ण आढळल्याचे राज्याच्या आरोग्य विभागानं बुधवारी जाहीर केलं. पण हा दावा केंद्रानं फेटाळून लावला आहे. अधिक तपासासाठी त्याचे जनुकीय चाचण्यांचे अहवाल पाठविण्याचे आदेश कस्तुरबा मध्यवर्ती प्रयोगशाळेला दिले.
जनुकीय क्रमनिर्धारण चाचण्यांचा अभ्यास करणारी इंडियन सार्स-सीओव्ही२ जिनोमिक्स कन्सॉर्रिटयम (आयएनएसएसीओजी) या संस्थेतील तज्ज्ञांच्या मते या रुग्णाचे जिनोम चाचणीचा अहवाल एक्सईच्या जिनोमनुसार नाहीत. त्यामुळे या रुग्णाला एक्सई या उपप्रकाराची बाधा झाली आहे, असे म्हणता येणार नाही.
‘आयएनएसएसीओजी’ची संध्याकाळी बैठक झाली असून, यामध्ये कस्तुरबा मध्यवर्ती प्रयोगशाळेच्या प्रमुख डॉ. जयंती शास्त्री सहभागी झाल्या होत्या. कस्तुरबा प्रयोगशाळेतील अहवालांचे विश्लेषण करण्यासाठी नमुने पुन्हा पाठवण्याची मागणी या बैठकीत केली आहे.
Mumbai XE variant case occurred in first week in March from an international travellor who fully recovered but Genomic data is out today .No need to panic ,follow covid appropriate behavior 🙏
— Dr. Shashank Joshi (@AskDrShashank) April 6, 2022
मुंबईतील २३० रुग्णांच्या जनुकीय चाचण्यांचा अहवाल बुधवारी जाहीर करण्यात आला. त्यात २३० पैकी २२८ म्हणजेच ९९ टक्के रुग्णांना ओमायक्रॉनची तर दोन रुग्णांना ‘एक्सई’ आणि ‘कप्पा’ या करोना विषाणूच्या उपप्रकारांची बाधा झाल्याचं मुंबई पालिकेनं अहवालात जाहीर केलं.
FastQ files in respect of the sample, which is being said to be 'XE' variant were analysed in detail by genomic experts of INSACOG who have inferred that the genomic constitution of this variant does not correlate with the genomic picture of 'XE' variant: Official sources
— Dr. Shashank Joshi (@AskDrShashank) April 6, 2022
मुंबईत ५० वर्षीय महिलेला ‘एक्सई’ची बाधा झाल्याचे प्राथमिक चाचण्यांमध्ये आढळलं आहे. ही महिला दक्षिण आफ्रिकेची नागरिक आहे. चित्रिकरणासाठी १० फेब्रुवारीला ती भारतात आली होती. त्यावेळी तिला कोरोनाची बाधा झालेली नव्हती.
परंतु, चित्रीकरणादरम्यान नियमितपणे केल्या जाणाऱ्या चाचण्यांमध्ये २ मार्चला ती बाधित आढळली. तिचे नमुने चाचणीसाठी पाठविले असता तिला ‘एक्सई’ची बाधा झाल्याचे आढळले. ३ मार्चला दिलेल्या नमुन्यामध्ये ही महिला करोनामुक्त झाल्याचेही आढळले. या महिलेने लशीच्या दोन्ही मात्रा घेतलेल्या होत्या़ तिला कोणतीही लक्षणे नव्हती़
.@MoHFW_INDIA Clarification on Reported Case of #COVID XE Variant in #Mumbai:
— PIB in Maharashtra 🇮🇳 (@PIBMumbai) April 6, 2022
➡️ Hours after report of detection of XE variant of Coronavirus in Mumbai, @MoHFW_INDIA has said present evidence does not suggest the presence of the new variant.@PIB_India@COVIDNewsByMIB
(1/3)🧵
‘एक्सई’ म्हणजे काय?
एक्सई हा कोरोना विषाणूच्या ओमायक्रॉन या प्रकाराचाही उपप्रकार आहे. ओमायक्रॉनच्या बीए.१ आणि बीए.२ या उपप्रकारांचे उत्परिवर्तन होऊन एक्सई हा विषाणू निर्माण झाला आहे. यामध्ये बीए.१ आणि बीए.२ जनुकीय घटकांचे मिश्रण झाल्याचे आढळले आहे.
ब्रिटनमध्ये एक्सई हा विषाणूचा उपप्रकार १९ जानेवारी २०२२ रोजी आढळला होता. जगभरात या विषाणूचे सहाशेहून अधिक रुग्ण आढळले आहेत. जागतिक आरोग्य संघटनेच्या माहितीनुसार आत्तापर्यत आढळलेल्या करोना विषाणूच्या प्रकारामध्ये हा सर्वाधिक वेगाने पसरणारा आहे. परंतु याबाबत अद्याप पुरेशी माहिती नाही.
हेही वाचा