भारतात वेगाने पसरत असलेल्या काेरोना व्हायरसला (coronavirus) थोपवण्यासाठी सर्व राज्य प्रयत्नशील आहेत. संपूर्ण देशात लाॅकडाऊन करण्यात आलं आहे. नागरिकांवरही सावधगिरी बाळगण्याची मोठी जबाबदारी आहे. अशा स्थितीत आपल्या कुटुंबातील किंवा आजूबाजूला कुठल्याही व्यक्तीमध्ये कोरोनाची लक्षणे आढळून घाबरून जाण्याची गरज नाही. याबाबत तात्काळ प्रशासनाला कळवता यावं, म्हणून केंद्र आणि राज्य सरकारने हेल्पलाईन क्रमांक जारी केले आहेत. त्यातच आता व्हाॅट्सअॅपवरूनही नागरिकांना संवाद साधता येणार आहे.
The Government of Maharashtra has set up a dedicated WhatsApp helpline "COVID Helpline Maharashtra" that people can message on and stay updated about COVID-19 facts and latest guidance.
— CMO Maharashtra (@CMOMaharashtra) March 25, 2020
Please send "Hi" to +91-2026127394 to initiate your query on the helpline.
महाराष्ट्र सरकारने कोरोनाच्या बाबतीत खात्रीलायक माहिती देणारी तसंच मार्गदर्शन करणारी व्हाॅट्सअॅप हेल्पलाईन (whatsapp helpline) सुरू केली आहे. "COVID Helpline Maharashtra" असं या हेल्पलाईनचं नाव असून नागरिकांना या हेल्पलाईनवर मेसेज करून अपडेट राहता येईल. त्यासाठी नागरिकांना आपल्या व्हाॅट्सअॅप क्रमांकावरून +91-2026127394 या क्रमांकावर "Hi" करावं लागेल आणि आपल्याला हव्या असलेल्या माहितीची विचारणा करावी लागेल. राज्याचे मुख्यमंत्री उद्धव ठाकरे यांनी बुधवारी दुपारी या हेल्पलाईनची घोषणा केली होती.