आगामी लोकसभा निवडणुकीसाठी, 40 टक्के अपंगत्व (लोकोमोटिव्ह) असलेले उमेदवार आणि 85 वर्षांपेक्षा जास्त वयाचे ज्येष्ठ नागरिक भारत निवडणूक आयोगामार्फत फॉर्म 12D भरून घरबसल्या मतदान करू शकतात.

लोकसभा निवडणूक 2024 ची अधिसूचना प्रसिद्ध झाल्यानंतर, इच्छुक मतदारांना पाच दिवसांच्या आत मतदान केंद्रस्तरीय अधिकाऱ्यांकडे 12D फॉर्म भरावा लागेल. यामध्ये, पात्र मतदारांना पोस्टल बॅलेटद्वारे मतदान करण्याची सुविधा संबंधित निवडणूक निर्णय अधिकाऱ्यांकडून उपलब्ध करून दिली जाईल.

ठाणे जिल्ह्यात 85 वर्षांवरील एकूण 59 हजार 4 मतदार आहेत. वृद्धत्व आणि अपंगत्वामुळे जे मतदार मतदान केंद्रावर येऊन मतदान करू शकत नाहीत, त्यांच्यासाठी ही सुविधा आहे. पात्र मतदार मतदानापासून वंचित राहू नयेत, हे भारतीय निवडणूक आयोगाचे उद्दिष्ट आहे.

ठाणे जिल्ह्यातील 85 वर्षांवरील मतदारांची विधानसभानिहाय माहिती पुढीलप्रमाणे आहे

• विधानसभा मतदारसंघ- 134 भिवंडी ग्रामीण (अज.) पुरुष- 1 हजार 50, महिला- 1 हजार 531, एकूण- 2 हजार 581
• विधानसभा मतदारसंघ- 135 शाहपूर (अज.) पुरुष- 1 हजार 508, महिला- 2 हजार 3, एकूण- 3 हजार 511
• विधानसभा मतदारसंघ- 136 भिवंडी पश्चिम, पुरुष- 1 हजार 162, महिला- 1 हजार 118, एकूण- 2 हजार 280
• विधानसभा मतदारसंघ- 137 भिवंडी पूर्व, पुरुष- 363, महिला- 337, एकूण- 700
• विधानसभा मतदारसंघ- 138 कल्याण पश्चिम, पुरुष- 2 हजार 14, महिला- 1 हजार 623, एकूण- 3 हजार 637
• विधानसभा मतदारसंघ- 139 मुरबाड, पुरुष- 2 हजार 111, महिला- 2 हजार 285, एकूण- 4 हजार 396
• विधानसभा मतदारसंघ- 140 अंबरनाथ (SC) पुरुष- 1 हजार 645, महिला- 1 हजार 398, एकूण- 3 हजार 43
• विधानसभा मतदारसंघ- 141 उल्हासनगर, पुरुष- 1 हजार 37, महिला- 1 हजार 49, एकूण- 2 हजार 86
• विधानसभा मतदारसंघ- 142 कल्याण पूर्व, पुरुष- 1 हजार 66, महिला- 964, एकूण- 2 हजार 30
• विधानसभा मतदारसंघ- 143 डोंबिवली, पुरुष- 2 हजार 634, महिला- 1 हजार 934, एकूण- 4 हजार 568
• विधानसभा मतदारसंघ- 144 कल्याण ग्रामीण, पुरुष- 1 हजार 575, महिला- 1 हजार 272, एकूण- 2 हजार 847
• विधानसभा मतदारसंघ- 145 मीरा भाईंदर, पुरुष- 2 हजार 640, महिला- 2 हजार 410, एकूण- 5 हजार 50
• विधानसभा मतदारसंघ- 146 ओवळा माजिवडा, पुरुष- 2 हजार 164, महिला- 1 हजार 572, एकूण- 3 हजार 736
• विधानसभा मतदारसंघ- 147 कोपरी-पाचपाखाडी, पुरुष- 1 हजार 461, महिला- 1 हजार 265, एकूण- 2 हजार 726
• विधानसभा मतदारसंघ- 148 ठाणे, पुरुष- 2 हजार 817, महिला- 2 हजार 450, एकूण- 5 हजार 267
• विधानसभा मतदारसंघ- 149 मुंब्रा-कळवा, पुरुष- 1 हजार 999, महिला- 1 हजार 620, एकूण- 3 हजार 619
• विधानसभा मतदारसंघ- 150 ऐरोली, पुरुष- 1 हजार 343, महिला- 1 हजार 134, एकूण- 2 हजार 477
• विधानसभा मतदारसंघ- 151 बेलापूर, पुरुष- 2 हजार 597, महिला- 1 हजार 853, एकूण- 4 हजार 450

अशा प्रकारे ठाणे जिल्ह्यातील एकूण 18 विधानसभा मतदारसंघात 85 वर्षे व त्यावरील पुरुष मतदारांची संख्या 31 हजार 186, महिला मतदारांची संख्या 27 हजार 819 आणि 85 वर्षे व त्यावरील एकूण मतदारांची संख्या 59 इतकी आहे.

हेही वाचा

मुंबईतील डॉक्टर, नर्सेसना निवडणूक ड्युटी

मुंबईत पाणीकपात होणार नाही, बीएमसीचे आश्वासन