गुजरात टी प्रोसेसर्स अँड पॅकर्स लिमिटेडचे कार्यकारी संचालक पराग देसाई यांचे रविवारी संध्याकाळी अहमदाबादमधील एका खाजगी रुग्णालयात वयाच्या ४९ व्या वर्षी निधन झाले. गुजरात टी प्रोसेसर्स अँड पॅकर्स लिमिटेड हे त्याच्या प्रतिष्ठित चहा ब्रँड - वाघ बकरी चहासाठी सर्वाधिक लोकप्रिय आहे. 

देसाई 15 ऑक्टोबर रोजी त्यांच्या राहत्या घराजवळील इस्कॉन आंबळी रोडजवळ मॉर्निंग वॉकसाठी बाहेर पडले. पण त्यावेळी त्यांच्यावर कुत्र्याने हल्ला केला. यामध्ये त्यांच्या डोक्याला गंभीर दुखापत झाली आणि त्यानंतर ब्रेन हॅमरेज झाला. उपचारादरम्यान त्यांचे निधन झाले. 

गेल्या काही दिवसांपासून पाळीव कुत्र्याने लोकांचा चावा घेतल्याच्या घटना कानावर पडत आहेत. अशावेळी डॉक्टरांकडे जाण्यापूर्वी काही फर्स्ट एड उपचार माहित असणे गरजेचे आहे. कारण योग्यवेळी त्या पीडित व्यक्तीला प्राथमिक उपचार मिळाले तर रेबीज होण्याची शक्यता 80% कमी होते.

मेयो क्लिनिकच्या मते, कुत्रा चावल्यानंतर रेबीज होण्याचा धोका सर्वाधिक असतो. म्हणूनच डॉक्टर कुत्रा चावल्यानंतर लवकरात लवकर उपचार करण्याची शिफारस करतात. त्यासोबतच त्यापूर्वी काही प्राथमिक उपचारही आवश्यक आहेत. .

• एखाद्या व्यक्तीला कुत्रा चावला असेल तर क्षणाचाही विलंब न लावता कुत्र्याने चावलेली जागा पाण्याने स्वच्छ करा.
• कुत्र्याने चावा घेतलेली जागा धुण्यासाठी सौम्य साबण वापरा.
• कुत्र्याने चावा घेतलेली जागा किमान दहा मिनिटे धुवा. यामुळे विषाणूचा प्रसार रोखता येतो.
• कुत्र्याने चावा घेतलेली जागा नीट धुऊन झाल्यावर कापडाच्या साहाय्याने नीट पुसून घ्या.
• जखम पुसल्यानंतर त्या भागावर अँटीसेप्टिक क्रीम लावा.
• गंभीर जखमी असल्यास तात्काळ हॉस्पीटलमध्ये दाखल करावे. 
• प्रथमोपचारानंतर  शक्य तितक्या लवकर उपलब्ध असलेल्या हॉस्पिटल किंवा क्लिनिकमध्ये जा.
• पीडितेला ताबडतोब अँटी रेबीज इंजेक्शन द्या. याशिवाय इम्युनोग्लोब्युलिनचे इंजेक्शन द्यायचे की नाही, हे डॉक्टर ठरवतात.
• इंजेक्शननंतर शांत बसू नका. प्रथम बाइटचे चिन्ह मोठे आहे की लहान ते तपासा. चाव्याचे चिन्ह लहान असल्यास, ते उघडे सोडा जेणेकरून जखम लवकर बरी होईल. जखमेच्या भागाचे सतत निरीक्षण करत रहा. कोणत्याही प्रकारचा संसर्ग, लालसरपणा, सूज, वेदना किंवा ताप असल्यास. त्यामुळे विलंब न करता डॉक्टरांना याबाबत माहिती द्या.

हेही वाचा

कुत्र्यांच्या हल्ल्यात वाघ बकरीचे मालक पराग देसाईंचा मृत्यू