गोरेगाव येथील कामा इंडस्ट्रीमध्ये भीषण आग लागल्याची घटना घडली आहे. मंगळवारी पहाटे २.३० वाजताच्या सुमारास करण जोहरच्या धर्मा प्रोडक्शनच्या गोदामाला ही आग लागल्याची माहिती मिळते आहे. आगीचं कारण अद्याप स्पष्ट झालेलम नाही. अग्निशमन दलाच्या १२ हून अधिक गाड्या घटनास्थळी दाखल झाल्या होत्या. अखेर ५ तासांनतर आगीवर नियंत्रण मिळवताना अग्निशमन दलाला यश आलं.
दिग्दर्शक करण जोहरच्या धर्मा प्रोडक्शनच्या गोदामाला ही आग लागल्याची माहिती समोर येत अाहे. या आगीत कोणत्याही प्रकारची जीवितहानी झालेली नाही. मात्र गोदामातील साहित्य मोठ्या प्रमाणात जळून खाक झालं आहे. आगीचं कारण अस्पष्ट असून घटनेची चौकशी करण्यात येणार असल्याची माहिती अग्निशमन दलाच्या अधिकाऱ्यांनी दिली आहे.
दरम्यान, माटुंगा येथील बिग बाझारला सोमवारी संध्याकाळी ५.१५ वाजताच्या सुमारास भिषण आग लागली होती. या आगीत बिग बाझारमधील सामान मोठ्या प्रमाणात जळून खाक झालं.
हेही वाचा -
माटुंग्यातील बिग बझारला भीषण आग
म्हणून राज ठाकरे भडकले, पावणे दोन तासाने लागला मतदानासाठी नंबर